كل عام و انتم بخير
الحقو يا جماعه لقيت حل فعال و قولو وداعا للطرطشة على الارض من اطراف المروش
اكره شي عندي ان يخرج الماء و يغرق ارض الحمام و الدعاسات
و من الطرق اللي اسويها وقت الاستحمام اني احط الستارة و احشرها بيدي عشان تمنع تسرب الموية و احط عليها قارورة الشامبو يثبتها و مع الوقت تخرب الستارة و تعفن :mad:
بصراحة ما عمري شفت هذا الاختراع في المنتديات و حبيت اني افيدكم و ادعولي اذا استفدتو
من زمان شفت الحل في موقع امازون و قلت خلاص حاشتريييييييييييه و لكن مع اخر طلبيه من امازون طلبته و الظاهر انه بالغلط ما اتسجل في القائمة
Uploaded with ImageShack.us
و مافي وقت الين العيد و هو اصلا غالي يجي الحبة منه ب 12 دولار !!!
والله ما يستاهل ادفع اكثر من 40 ريال على قطعة بلاستيك و اكثر من ستين ريال شحن :09:
و قاللي زوجي انا راح افكر كيف اقلدلك هيا بس اعطيني وقت :icon33:و يا لييييييييييل ماطولك
و كل ما اذكره يقوللي بعدين بعدين
طفشت من البعدين اللي ما سوت لي شي
و انا ارتب الصالة و خرجت الحاجات القديمة جاتني فكيرة و هي اني استخدم قطعة من مفرش بلاستيك اشتريته من زمان من ايكيا و هو يستخدموه للصحون
و هذي الادوات اللي استعملتها
و هذا المفرش المتوفر حاليا صحيح ان لونه ما يمشي مع حمامي و لكن حل مؤقت لغاية ما الاقي لون مناسب
Uploaded with ImageShack.us
قصيت المفرش بزاوية قائمة
Uploaded with ImageShack.us
قست المسافة اللي ح تتركب عليها و حطيت السيليكون و ثبته
و هذي النتيجة
Uploaded with ImageShack.us
كان نفسي اصور الخطوات بالتفصيل و لكن زوجي الله يعطيه العافية اتحمس و ركبه اول ما رجع من الدوام و انا مشغولة في المطبخ سبحان الله لي شهور اقله دبرلي حل و لما انا لقيت له الحل الحماس جاه فجاه ههههههههه
Uploaded with ImageShack.us
هذي طريقتي اللي انا متاكده ان الكثييييييييييير بيعانو من هذي المشكله يلا الكل يطبقها قبل العيد تعرفو العيد كيف كله خروجات و في هذا الحر نحتاج الشاور بكثرة
و الى لقاء اخر مع اختراع جديد و لا تنسوني من صالح دعواتكم