الحالة النفسيه وانا بالشهر التاسع

السلام عليكم
انا بكريه وحامل توني داخله التاسع فيني اكتئاب مو طبيعي للأسف حالتي النفسيه من عرفت اني حامل وانا متضايقة والله غصب عني ماقدرت وادري انه هذي نعمة وغيري يتمناها يعني لاتنصحني وحده وكأني متعمدة هالشعور ، جد انا متضايقة من نفسي انا حامل ببنت كان نفسي بولد وكل تفكيري كيف حياتي اذا ولدتها بعدين كيف بربيها ، واشوف الأطفال بالأماكن العامة وكذا ما يفز قلبي زي باقي الحوامل ، مع اني جهزت لها كل شي واهتم اني اشتري لها احلى شي بحدود ميزانيتي ،،بس مدري خايفه ما احبها اذا ولدت ،ساعدوني شعوري هذا طبيعي انا يمكن لان الحالة المادية لزوجي مش ولابد وخايفة انه تزيد المسؤوليه اكثر مانكون قدها ، برضو فيني عيب واعترف هو حبي للمظاهر انا جيت من اهلي شبعانه خير والحمدلله، صحيح حياتي مع زوجي مستقره لكن ظروفه المادية مأثرة عليه وصرت ارحمه كثير والله احرم نفسي من اشياء كثيره اخرتها لبس العيد وحاولت ادور وظيفة تناسب ظروفي للأسف ماحصلت ،اشوف الي حولي متزوجين معاي وسفريات وطلعات عايشين الحياة بطولها وعرضها وصرت اقارن بيني وبينهم لكن تفاءلت قلت ان شاء الله اذا جاني بنتي بحبها وبهتم فيها وانشغل عن الناس ومااقارن فيهم،تكفون مين مرت بتجربتي وتغير الوضع بعد ماشافت مولودها وامتلت حياتها،،ادري اني خلطت موضوعين او مشكلتين وكلامي مو مرتب ان شاء الله تفيدوني