الحامل بتوأم..ما ردة فعلك؟

شعور حلو
بس ماكنت متوقعه ..
وكان عندي عادي لو حملت بواحد ..
والحمدلله اولا واخيرا

انا كنت مثلج مصدومه لان ماتوقعت بس ماصحت صليت ركعتين شكر لله
وعقبها قعدت احاتي لين وصلوا بالسلامه والحمدلله رب العالمين
والله انهم احلى نعمه

مراوي
الله يرزقج بغيرهم ان شاء لله ...:hahaha:

جنونه ولكِ بالمثل يابعد عمري :mad:

انا في اول رمضان حملت .. وبعد ما سويت التحليل بأسبوع او اسبوعين .. قالت لي الطبيبه مبروك توأم .. بصراحه مت من الخوف لانه عندي 3 اولاد وهاك الفتره كان ولدي الصغير عمره سنه ونصف تقريبا .. فكانت صدمه قويه بالنسبة لي .. ومن قالت لي توأم حطيتي ايدي الهنتين على الراسي من الصدمه .. استغفر الله بدل ما احمد ربي واشكره على النعمه سويت هاي الحركه اللي تعبر عن الرفض وعدم تقبل ما رزقني الله به .. وقالت لي تعالي بعد اسبوعين عشان انشوف النبض .. طول هالاسبوعين وانا على اعصابي كيف بيكون الحمل وكيف الولاده وما ابغي اربي بعمليه ما ابغي اربي قبل التاسع كلها كانت مخاوف ..

وللأسف احس انه الله عاقبني يوم رحت للموعد قالت الطبييبه كيس واحد الجنين توقف نموه والثاني بدون جنين ولازم تنظيف .. وفقدت بعده حملي ..

استغفرت الله كثيرا وتبت إليه .. والحمدلله من الله علي بحمل مره ثانيه بس هالمره قالوا لي واحد..

والله انا مكنت معترضه على قضاء الله ولكني كنت خايفه لانه من غير عندي 3 اولاد ومااعرف كيف بتصرف معاهم وكلهم صغار..


الله يتمم لك حملك على خير يارب.. واكيد هاي نعمه من الله ولازم نشكر الله دايما هو اعلم منا محالنا..