الحامل تدخل وتستفيد

السلام عليكم

مرحباا للجميع

رجعت بعد انقطااع كبيررر عن المنتدى وكلي شوق له

بكتب لكم من خبرتي في حملي وولاداتي

الله يبارك لي فيما اعطاني ويرزق كل محرومه بالذريه الصالحه

بتكلم معاكم باللغه العامه اي وحده تحمل فينا تبدا المخاوف عندها وتبدا تبحث وتقراء عن الوحم عن نوع الجنين ويبدون اللي حولها يشرحون لها الولاده ويبدى عندها الخوف من الولاده وكل شخص يعطي كلام ونصيحه والمسكينه تخاف

ويمكن ياصل فيها الامر للبكريه انها تفتح فيديوات وتشوف كيف طريقة الولاده الطبيعيه مثل ماصار معي بحملي الاول من كثر ماخوفوني الناس بوصف الولاده وتهويلهم اصبت بحالة هلع طول فترة حملي ولما وصلت الشهر التاسع

صرت كل ماحسيت بمغص خفيف رحت المستشفى وهاذا غلط المفروض ماروح لان هاذي الام طبيعيه عشان الطفل ينزل بالحوض استعداد للولاده على انالوالده كانت تقولي لاتروحين بس كنت خايفه واروح لاتشربين كل وصفه يوصفونها لك اللي يناسب غيرك مايناسبك

فقط حافظي على المشي كل يوم واكلي تمر وتغذي بااكل مفيد واشربي حليب وعصائر عشان وقت الولاده تكون معك طاقه وتقدرين تدفعين ولايصير معك فقر دم عشان ماتحتاجين نقل دم وقت الولاده

لاتروحين المستشفى الا اذا صار معك ماغص قوي بالبدايه كل ساعه بعدها كل نص ساعه بعدها كل 10 دقائق هاذا معناها انك دخلتي بالمخاض والولاده قريبه فقط امشي بخطوات تكون رجولك متباعده عن بعض واكلي تمر وقت الطلق يعطيك طاااااااقه فضيعه

بحملي الاول كنت خايفه ومتوتره ودخلت الولاده اصارخ واجهدت نفسي وتعذبت كثيررررر حتى وصلت مرحله ماعاد اقدر اتنفس وسوو لطفلي شفط

بحملي الثاني كنت مسكره اذاني عن الناس وقريت وثقفت نفسي كنت هاديه وملتزمه بالمشي بالشهر التاسع ووقت المخاض اقرى اذكاري وسورة الزلزله سيطرة على نفسي وولدت بهدووء وييسر الحمدلله

الي حابه اوصله لكم النقاط التاليه

1\ليس كل مايقال صحيح واللي يناسب غيرك مايناسبك

2\التزمي بالفيتامينات طول فترة حملك حمض الفوليك مهم جدا اول 3 شهور لاتستهينون فيه ابد ابد وتابعي مع الدكتوره من الشهر الاول عشان اذا عندك مشكله تكتشفونها من بدري وتعالجونها

3\ جهزي شنطة المستشفى من الشهر الثامن لانك ماتعرفين متى بتولدين حتى بامبرز البيبي اشتروه

4\ جهزي خلطاتك وادويتك للنفاس من الشهر الثامن ايضا

5\ اهتمي بترطيب بطنك من الشهر الاول عشان مايصير عندك تشققات من الزيوت المفيده زيت زيتون زبدة بالمرز او كريم بالمرز لتشققات جداااا ممتاز

6\ الكلف واسمرار الجلد والرقبه جداااا عادي لاتخافون كل هاذا بعد الولاده بيختفي من بعد الشهر الثاني وبعد 6 شهور مع الترطيب والاهتمام يختفي كله لاتسوون خلطات وقت الحمل لانها ماراح تفيد هاذي بسبب تغيرات هرمونات الحامل ويسمى كلف الحمل

7\ وقت الولاده التزمي بالهدوء مهما بلغ فيك الالم حاولي تركزين ان هاذا الوقت بيمضي وكلها ساعات وتفرحين بطفلك واقري الزلزله والاذكار واستودعي الله نفسك وجنينك

حاولت اشرح لكم كل النقاط واختصرها واتمنى كلامي كان مفيد لكم وخفيف عليكم

والله يسهل عليكم ولادتكم جميعا

في موضوع اخر بنزل لكم اهتمامات النفاس والخلطات المفيده بالتفتيح..

اختكم صاحبة سناب
alaml.alaml