سحايب طيبة @shayb_tyb
عضوة فعالة
الحامل وصيام رمضان
دايم اسمع ان الحامل ماتقدر تصوم وانه جايزلها تفطر وتقضي حبيت استفسر منكم وان شاءالله ماتخيبوني ويكون موضوع مفيد للحوامل:42: اي وحده قد مر عليها رمضان وهي حامل هل هي صامت او افطرت واذا صامت كيف كان برنامجها من حيث الاكل والفيتامينات يعني كيف كانت تنظم وقتها بدون ماتضر نفسها وتضر البيبي لان عندي بنت عمي حامل بشهورها الاخيرة الله يتمم لها وحملها متعبها وقالتلها الدكتورة لاتصومين كل رمضان وهي رافضة الا تصوم فاحبيت افيدها شوي واهون عليها واتمنى ماتقصرون معي --الله يجزاكم خير ويبلغكم رمضان
12
5K
يلزم عليك تسجيل الدخول أولًا لكتابة تعليق.
اختى هى تنوى وإن شاء الله ربى بيعينها
يعنى إذا شافت نفسها تعبانه ودايخه تفطر وإذا انها مرتاحه تكمل
وتهتم فى الاكل المتكامل الصحى خضار حليب يعنى اشياء تفيد
لانى صراحه اشوف انها تفوت هذى الايام صعبه وبعدين قدامها رضاعه واهتمام بطفل متى تصوم
الله يعينها ويعيننا ويدخل رمضان علينا وعليكم بالرضا والرحمه
يعنى إذا شافت نفسها تعبانه ودايخه تفطر وإذا انها مرتاحه تكمل
وتهتم فى الاكل المتكامل الصحى خضار حليب يعنى اشياء تفيد
لانى صراحه اشوف انها تفوت هذى الايام صعبه وبعدين قدامها رضاعه واهتمام بطفل متى تصوم
الله يعينها ويعيننا ويدخل رمضان علينا وعليكم بالرضا والرحمه
السلام عليكم ورحمة الله وبركاته
الله يرزقنا صيام هذا الشهر جميعا ان شاء الله
حبيبتي اشوف انه عادي اهم شي تاكل زين وما تتعب نفسها ...........انا اتكلم عن روحي كنت رمضان الفايت حامل بالشهر الثاني وكنت في شدة الوحام وكل يوم ارجع سحوري وانام وانا بطني فاضي وكنت الحمد لله اداوم الصباح وفطوري ابد ما صحي (حضرتي كنت في شقه بروحي واكلي زيوت المطاعم ما قول اكل الا كان زيوت)
واذا على السابع او التاسع في رمضان ما ادري صراحه بس في حملي ما كنت اكل وجبة الغداء الا الساعه خمسه العصر بعد الدوام يعني ما فرقت ساعتين صيام زياده
والله يقدر كل حامل انها تصوم رمضان
الله يرزقنا صيام هذا الشهر جميعا ان شاء الله
حبيبتي اشوف انه عادي اهم شي تاكل زين وما تتعب نفسها ...........انا اتكلم عن روحي كنت رمضان الفايت حامل بالشهر الثاني وكنت في شدة الوحام وكل يوم ارجع سحوري وانام وانا بطني فاضي وكنت الحمد لله اداوم الصباح وفطوري ابد ما صحي (حضرتي كنت في شقه بروحي واكلي زيوت المطاعم ما قول اكل الا كان زيوت)
واذا على السابع او التاسع في رمضان ما ادري صراحه بس في حملي ما كنت اكل وجبة الغداء الا الساعه خمسه العصر بعد الدوام يعني ما فرقت ساعتين صيام زياده
والله يقدر كل حامل انها تصوم رمضان
أسم عتيج
•
انا في حملي الأول كنت بالشهر السابع وصمت رمضان كامل ولا تعب ولا شي
وفي حملي الثاني كنت بالشهر اللأخير وبعد صمت، مع انهم قالوا لي ان الصوم في الشهر الأخير يسرع الولادة إلا اني تأخرت عن الموعد اسبوع زيادة والحمدلله ماكان فيه أي مشاكل
الخطوره تجي مع الشهور الأولى اذا كان الحمل أصلا ضعيف، يمكن في هذي الحالة ماتصوم..
أهم شي ان الحامل لازم تهتم يالسوائل وخصوصا الماي علشان تعوض اللي خسرته في نهار الصوم
والله ييسر لها ولجميع الحوامل
وفي حملي الثاني كنت بالشهر اللأخير وبعد صمت، مع انهم قالوا لي ان الصوم في الشهر الأخير يسرع الولادة إلا اني تأخرت عن الموعد اسبوع زيادة والحمدلله ماكان فيه أي مشاكل
الخطوره تجي مع الشهور الأولى اذا كان الحمل أصلا ضعيف، يمكن في هذي الحالة ماتصوم..
أهم شي ان الحامل لازم تهتم يالسوائل وخصوصا الماي علشان تعوض اللي خسرته في نهار الصوم
والله ييسر لها ولجميع الحوامل
ام عزيز-بنت الدار-عقد الياسمين-اسم عتيج0000تسلمولي والله وجزاكم الله عني وعن بنت عمي الف خير0 من جد معلومات مفيدة وعلى قولهم اسأل مجرب00طمنتوني وعلى قولتكم اهم شئ الوحدة تنوي وربنا أكيد بيساعدها0
الصفحة الأخيرة
مع اني كنت أداوم لكن ماشاء الله ربي قدرني وقدرت اصومه
وهذي فرصه لكل امرأه اذا الله قدرها تقدر تصوم رمضان كامل
اهم شي يكون السحور شي دسم يعني لازم سحورج يكون وجبه متكامله مو شي خفيف ؟؟
ولما تفطرين كثري من السوئل
يعني اول ما تفطرين اشربي ماي عصائر وهالشغلات المهمه علشان تعوضين اللي فقدتيه في صيامج
واذا حسيتي انج تعبانه حاولي تنامين علشان تنسين الجوع والصوم
وربي يقدر كل وحده حامل على صيام رمضان ويسهل عليها أمورها
على فكره انا دكتورتي قالت اذا تبين تصومين وانتي حامل قبل رمضان بكم يوم حاولي تأخرين وقت الغده يعني تغدي الساعه 3 ونص 4 لين يتعود جسمج على التأخير
واذا دخل علينا رمضان خلي سحورج دسم (مو يعني دهون لا قصدي وجبه أساسيه) اما الفطور فبراحتج تبينه خفيف تبينه ثقيل اللي في بالج الأساس السحور وقالت دايم انها تنصح الحوامل انهم يتسحرون عيش أبيض وروب علشان ما ينهضم بسرعه وما تحس بالجوع