الحبوب النفسيه او حلولكم الحقووووووني

بسم الله بليز دون تجريح لان اللي فيني مكفيني وزياده انا متخرجه من كم سنه حياتي واقفه أولا الوظايف انا في محافظه صغيره تخيلي حتا لو تبين تشتغلين فراشه مو مخلين لك مجال حتا المقصف ثانيا انا عندي الحياه من غير ناس ممله قرايبنا قافلين بيبانهم تصدقون بنفس الحاره جابن وعيالهم صارو بالمدارس نزورهم يقولون نجيكم ان شاء الله وتمر سنوات ماشفناهم وصديقاتي حدث ولاحرج كل سنه تنسحب وحده منهم ثالثا تقولون روحي دورات تحفيظ إلخ دورات مافي تحفيظ محد يوديني سواويق ماعندنا أخواني يرفضون رابعا تقولون سجلي بدورات إلكترونية اقري كتب هذي كلها حلول ماتنفع ومليت من قراءتها انا بنت ماشاءالله علي لكن وقفت حياتي بأسباب خارجه عن إرادتي مواهبي صفر ووضعي المادي صفرين إذا بروح البقالة تعطيني أمي خمسه وريالين الحين وش أسوي بعمري يعني أظل واقفه كذا خاطري انجز نفسي لي حساب انستقرامي لكن وش بعرض لهم ياحسره حتا الافكار صارت كلها مستهلكة مافيها جديد اسعفوني بحل مانمت اليوم وكل يوم أفكر بحالي لاتجيني وحده عائشه حياتها تقولي حلول أبي بنت عاطله ومي متزوجه ونفس وضعي قبل كم يوم اشوف وحده امريكيه تتكلم عن حياتها يا لله إنجازات انجازات عظيمه هذا وهي لسه ماوصلت اربعيين ومتزوجه من شخص تحبه يعني صراحه يوم شفتها جابت لي الطاقه الإيجابية طاقتها انعكست علي وهي وزوجها يغامرون أحس فعلا حياه خلتني أقتنع أن كل شي بالحياه له أسباب تخيلت لو اني في بلدها كان متزوجه كان مشتغله كل شي بسبب تحصلين عليه هم عندهم الحريه من تخلصين يالله انطلقي بميادين الحياه ابدعي انجزي تزوجي اي شي تبينه لكن حنا قدمي بطابور الانتظار المميت جداره ووظايفهم باخر ماعمر ربي واخوي حالف مااتغرب انا حتا الممشا خاطري فيه من ثلاث شهور محد وداني له ياحسره لاتجون تهجمون علي وتقولون فيه كثير اجانب تعيسيين انا مالي بالتعساء انا اقول دولهم تدعم الحياه عندهم التسوق أسلوب حياه عندنا التسوق ضروره..... الخ الزبده زي ما انتم شايفيين ان كل الأبواب موصده بوجهي وأنا بنت صعب علي كل شيء شوفو لي حل فيه بنات هنا وضعهم زين وكل شي لكن في بنات وضعهم نفس وضعي ماتقدر تنجز كل الأبواب موصده كل يوم اجلس أعصر مخي أطلع بحل وما فيه ولا حل انا علاقتي بالله قويه واقرا قرآن يومي لأن عارفه بتجيني وحده تقول قربي لله ووو..... المهم شفتو بقصتي مافيه باب مفتوح شوفو لي حل لأني فعليا بديت افكر بحبوب الاكتئاب النفسي خلاص