الحب اساس كلشي بلشي اولا من حالك ❤️

• أوقات الحضن بكون ع شكل صوت، نظرة، كلمة، اهتمّي بالشّي المعنوي.

• لاتستهلكي كلّ مشاعرك،خبّي شوي لحالك.

• النّاس يللي منحبّن، منحبّن هيك بلا سبب، لاتخلّي سبب لحبّك.

• يللي بروح ما لازم يرجع، وحتّى لو رجع سكّري بابك بوجهو.

• صوت فيروز بيداوي جرّبي اسمعيه.

• الحبّ إيمان، لا تطلبيه من حدا عم يلحد وجودِك.

• الشّغلات كلّما عتقت كلّما غلت.

• الأحلام مافي داعي إلها إذا ما بدنا نحقّقها.

• لاتدعي إنّو ما تصيبك الضّربات بالحياة، إدعي إنّو تقدري تعطي لكلّ ضربة حقّها.

• تصالحي مع حالك ومع وجعك و كوني فخورة بحالك، عوض اللّه رح يجي بوقتو.

• مافي شي اسمو نهاية، النّهاية الوحيدة هيّي الموت.

• العيلة هيّي طوق النّجاة بالحياة.

• الأسرار هيّي الشّي يللي بينك وبين الرّبّ، الشّي يللي بيطلع من جوّاتك ببطّل اسمو سرّ.

• كلّ يوم لازم تتذكّري إنّك حلوة وذكيّة وقويّة كتير.

• مافي شي أسمو صدفة كلّ شخص انبعت لسبب.

• ضلّي مع يللي بآمن فيكِ و بس.

• بمواجهة أيّ شي رح يكون عندك تلت خيارات : إنّك تقاومي، تهربي، أو ما تعملي شي، قاومي قدّ ما فيكِ.

• حلاوة الرّوح بتطلع عالوجه، بس حلاوة الوجه ما بتأثّر عالرّوح، حاولي كوني حلوة من جوّا.

• الحبّ بعمرو ما كان سبب كافي لاستمرار العلاقات، دوّري ع يللي بيفهمك

• المسامحة الحقيقيّة هيّي الشّي الأكتر صعوبة بالعالم بسّ عوّدي حالك عليها.

• بعمرك لاتقبلي تكوني تملاية فراغ.

• لحتّى تحسّي بالسّعادة لازم تمرّي بلحظات بشعة.

• رابط الرّوح أقوى من رابط الدّمّ

• حبّي يللي بيشبهك واتركي الإختلاف للتياب ولفرش بيتك.

• احرقي يللي زعجك بمغفرتك، الحقد بيحرقك أنتِ.

• لاتسمحي لأيّ حدا يفوت ع قلبك،
بس يللي بيقدر يفوت سكّري منيح عليه.

• كوني ممتنّة لكلّشي مرّ بحياتك.

• ‏﴿ ولسوف يعطيك ربّك فترضى‏﴾
ما بدها شرح : عيشي الرّضا

• الحبّ إنّك تشاركِ روحك و أنتِ فرحانة

• تصالحي مع حالك، عيشي بسلام.

• اللّامُبالاة هي عدوّة الحبّ مو الكره أبداً.

• كوني حسّاسة، الإحساس حلو حتّى لو وجّعك.

• وقت ما بتلاقي شي تقدّميه، اعطي حنّيّة هيّي أعظم شي ممكن يتقدّم .

• رح تلاحقك أخطائك دائماً وخصوصاً بلحظاتك الحلوة، واجهيها ولا تهربي.

• الحبّ أساس كلّشي، بلّشي من حالك.🕯️♥️