الحب او الكرامه او الطلاق ؟

السلام عليكم بنات ممكن اطول عليكم بس مالي غيركم
انا تعبانه ابيكم تواسوني وهل اللي اسوي في نفسي صح 😭😭
انا متزوجه لمدة ٣ سنوات وخلال هالثلاث سنوات تحصل مشاكل ونحلها انا وهو وماعلم اهلنا 😭 ووصل انه كان يمد يده ويرميني ع الارض والسرير ويخنقني ويسبني ياحيوانه يابهيمه ويهينني كثثثيرر بكلامه وبذله والله العظيم فيه اشياء ماابغا اذكرها 😭😭😭
ومره تهاوشنا وانا والله العظيم مااغلط عليه ولا عمري سبيته او سبيت اهله بس اعصب وارد ع كلامه بصوت عالي المهم تهاوشنا وكنت امشي وكان يتفل علي وانا امشي وابكي وهو مستمر 😭😭😭💔 احيان يدعي علي ويبيني 24 ساعه عند اهله ياويلي لو اقول له تعبانه او مافيني حيل تخيلو من الجامعه ع طول بيت اهله انا وملابس الجامعه 😭 لين المغرب
نرجع شقتنا مهلوكه وتعبانه واغسل ملابسنا واكويها واذاكر واحيان اسحب ع المذاكره نفسيتي تعبت تقريبا هالموال شبه يومي 😭 اذا قلت له مابي اروح والله اتوقع يعصب ويطلق 😭 ودرجاتي كانت زفت واحمل مواد واجلت سمستر 😭 اذا تخاصمنا ع اشياء تافهه كثير اوقات يروح يفتح الدولاب ويجيب شنطتي ويحط فيها ملابسي ويقول امشي اوديك عند اهلك واتحمل وارفض اروح 😭
يعني دايم يهددني وانه يقدر يتخلى عني المهم طلقني قبل كذا مرتين ورجعني ورجعت والحين طلق وطلب يرجعني ورفضت وخلاص تطلقنا وهو بيتزوج وكل واحد راح بحاله ولا تسالوني ليه كنت اسكت ادري ممكن اكون ذليت نفسي 😭 بس اقسم بالله غصب عني حبيته من كل قلبي وهو بعد متاكده انه يحبني بس مايقدر يتحمل عصبيته طبعا ايامنا مو كلها مشاكل كان فيه ايام حلوه وايام مره بس اللي مسيطره ع عقلي الايام الحلوه ومو قادره انساه عطوني حل تكفون 😭😭😭 والوم نفسي ليه مارجعت يوم طلب بس اقول باعني قبلها مرتين وعطيته فرصه ورجع عاد الغلطه ويمكن ارجع ويزيد ذله لي بالله انا غلطانه ؟ 😭😭 تعبت من لوم النفس وبرضوا لاني متاكده انه باقي يحبني ولا تسالوني كيف عرفت وبالذات انه انسان عنده كبرياء 😭😭😭 عطوني حل طبعا هو خلاص بيتزوج عشان كذا ابي اشيله من حياتي وانا متاكده ان الزوجه الثانيه ماراح تصبر مثل صبري 😭 ادعولي ربي يعوضني عن صبري اللي عطيته ل انسان مايستاهل وكنت اتحمل فوق طاقتي واهنت كرامتي تحت شي اسمه حب 😭😭 وللحين باقي اتذكر الايام الحلوه واحبه بس خلاص ابي انسى تكفون ريحوني 😭😭 احترت اني اختار الحب او كرامتي او الطلاق وكان الاختيار الطلاق 😭😭 امانه اخياري صح ولا غلط مع انه هو اللي طلق مو انا بس يوم طلب يراجع شفت ان كرامتي ضاعت خلاص ويمكن ارجع ويذلني او يكون درس له بس كنت ف حيره ورفضت الرجوع لانه اللي شفته منه مو هين😭