السلام عليكم ياحوائيات
جيت بموضوع جديد وصراحه مااقدر اسكت ابد واخلي هالموضوع وما اطرحه
هذا موضوع يخص كل أم وأخت خاله وعمه ..الخ
لاحد يجي يقولي هالبنات والشباب ماصارو كذا الا من الجفاف العاطفي والخزعبلات ذي
مو معقول صار التواصل بين الجنسين ف مجتمعنا شي عادي !
لاتقولون انا اضيف بس ما اسمح احد فيهم يجيني خاص
تري كلها استدراجات
الموضوع تدريجي وحبه حبه
يعني يستدرجوك
بحكيلكم لاني من صاحباتي بالفيس انقلب حالهم في 4سنوات الاخيرة
وربي انهم كلهم صار معهم علاقات بالفيس
الي مرتين ولا تابت والي مرة ومانسيته ولي تدعي عليه ولي ولي ..
واكتشفت شي
ان اول شي غير تفكير هالبنات هو المسلسلات السم التركيه وروايات الرومنسيه الي ترست المنتديات
وحتى بالنسبه لشباب صارت نظرتهم للحب بنفس الطريقه
كلهم يبون يلقون شريك حياتهم قبل الزواج .. !
واحلام ورديه و قصص واخرها كوارث
الحين في شباب تزوجو ومازالوا لهم علاقه بالنت وتسمى عندهم بالعشيقه !
هل صرنا مثل الغرب ! والكفره !
عشيقه وزوجه
والنساء بعد مانظلم الرجال بس
هذا غير الشذوذ والعياذ بالله ..
يابنات اسمعوني
بدخلكم من مدخل اخر
الشباب كلهم نفس الاسلوب
يسوي نفسه محترم الين يكسب ثقتك حتى لو شهر شهرين سنه سنتين ماعنده مشكله اهم شي يكسب ثقتك
وبعد مايكسبها يبدا الاستظراف والتقرب مثل مايقولون البنات "مثل اخوي"
هنا يوصل لمرحله انه يتقرب منك اكثر
واكثر
ويكثر هرجكم سوا
وبعدين فجأة يختفي او يتهاوش لسبب تافه او .. او
الزبده يغيب
وهنا هو يحمي ياقلبي عشان هو خلاص مليون بلميه ضامن مشاعرك
واذا صار الي يبيه وعرف مشاعرك
هنا اعتبري ان خطته نجحت
لاتقولين لاهو يحبني لاهو مدري وشو
المهم
عاد هنا سيناريو صورتك صوتك
وبعض الاحيان يكون حذر ومايطلبها طوالي ع حسب شخصيتك عاد اذا انتي صعبه او سهله
ومن هنا تبدأ رحلت الوهم والحياة الخنفشاريه الكذابيه وتبدأ الكارثه
...
والبنات صارو بلا حياء والشباب بلا غيرة
كلهم نفس الاسلوب
واتحدى وحده تجي وتقولي عكس كلامي
هذي هي حقيقه حب التواصل الاجتماعي
لذالك اخواتي اي حساب عندك مختلط امحي كل الشباب
ويا امهات
عيالكم بناتكم شوفو حساباتهم
واذا تبون الفتوىماحكم اضافة الجنسين ..
وهل تحدث بين الجنسين بالخاص خلوة ؟
اخواتي انتبهو انتبهوو انتبهوو
الله يستر على بنات وشباب المسلمين جميع
اتمنى ماطولت عليكم
اختكم
((يايها اللذين امنو لا تتبعو خطوات الشيطان انه لكم عود مبين *انما يامركم بسوء والفحشاء و ان تقولو على الله ما لا تعلمون ))
الله يستر علينا و على بناتنا و بنات المسلمين اجمعين