الحب مو عيب ولاحرام

احبها والله العظيم اموت فيها لله هذي مو بنت عمي وبس هذياعتبرها اكثر من اختي وهي رفيقة طفولتي تخلت عني وصدقت كلام الناس فيني واعتبرتني خاينه لانه حكتي لي حكايه والله يشهد علي اني مافشيت سرها لكن الخبر جا من شخص ثاني وانا قلت لها وحلفت لها وسوت نفسها انها صدقتني لانها من بعد كذا ابتعدت عني وماعادت تحكي لي شي وصارت تصدق كلام امها فيني بالرغم اني اموت في امها
معاي من طفولتي سافرنا سوا كل مااناظر صورنا
واسمع الاشرطة اللي كنا نستهبل ونسجل اصوانتا فيها ابكي لحد ماانهار والله ثم واله احبها لله في الله ولاابغى غير سعادتها وقلبها يكون مفتوح لي
فرقتنا الغربه بس كنا نشتاق كنت انا اللي ادق وهي نادر ماتفكر
ولمن رجعت لبلدي فديت ترابها
تخيلوا تحقق الحلم اللي كنا نتمناه زمان اننا نجتمع بالرياض سوا وفعلا اجتمعنا لكن والله ثم والله ماشفتها الا ثلاث او اربع مرات وليش زعلت مني اخر مره وهذا الكلام قبل سنتين ونص لانه كان عندي اختبارات ولاقدرت اطلع معها في العيد وانا والله فعلا ماقدرت وشرحت لها ولكن قالت لي انتي ماتستحين
احب كل الناس بس دايم يخذلوني
المهم مر الوقت وانخطبت الله يوفقها وحضرت ملكتها ولمن طلعت الصور حقتها على الشاشه بكيت ماقدرت والاسواء اني لمن طلعت لها على الكوشه حضنتها وبكيت قدام الناس احاول اتقرب منها ادق عليها وارسلها اسماء المحلات اللي بالرياض لانها كانت عايشه بالطايف
واعلمها بالمشاغل وتنطشني رحت لها البيت كلمت امها لكن مافي فايده
زوجها بعدشهرين وخايفه انهار لاشفتها وشفت طفولتي واحلامي تختفي
وش اسوي والله اني يوم اذكرها اظل ابكي طول الليل
كل ماحبيت احد او تعرفت على احد راح واختفى اخرتها تعرفت على وحده ومن بعد ماقابلتها لاني تعرفت عليها من النت راحت وخلتني وتصرفني بعد بالرغم انها قبل لاتشوفني كانت كل شوي تدق
والله مادري علموني وش اسوي وابغى اسوي حركه لها في زواجها تفاجاها وتحسسها بحب لها فكرت في صوري انا وهي واحنا صغار وفكرت في قصيده
موعارفه ساعدوني وش اسوي:(