الحب والزواج والفقر

السلام عليكم

قبل ما اتزوج زوجي ولما خطبني خبرني عن كل ظروفه وانه انسان عصامي في بداية حياته المهنية متدرب ومدخوله ضعيف وكنت احبه واشوف انه الحب اكبر شي في العلاقة الزوجية وبعدها تجي الاشياء الثانية ولليوم احبه ويحبني وما بيننا مشاكل الحمد لله ومتفقين وحياتنا عسل الا من المادة وبعد الزواج اكتشفت المعنى من انه الحب ما يوكل عيش بس لو يرجع الزمن ما تزوجت غير زوجي .. تأملت من الحياة انها تكون احلى وانه بعد سنة سنتين صبر ثلاث يتحسن الوضع لو درجة بس الوضع تحسن ربع درجة ولليوم عايشة بالبركة احيانا اظل طول اليوم بجوعي وزوجي مع بيت اهله ياكل لانه بيتتي فاضي وبرادي فاضي وجيبي فاضي وجيب زوجي معدوم انحرج اكون عالة ع بيت عمي ولمازوجي يسالني اقول ماودي ريجيم او شبعانة او مالي خاطر .. ولما شرفت الكتكوتة قلت راح احمل وبعد تسعة اشهر في هللاشهر اكيد راح تنفرج وللاسف حالنا كما هو مجرد انه تحسن لدرجة انه نقدر نصرف على اليييي الحمد لله على نعمته .. احس نفسيتي تعبانة مؤهلي ما يشغلني مع اني جامعية حسابي المصرفي صفر مع انه زوجي يرفض اصرف من جيبي بس مع الضغوط صرت اصرف ليما ماظل عندي شي ذهبي بعته ما عندي مجال اشتغل في البيت لا راس مال لا خبرة ولاوقت لانع عندي طفلة رضيعة وزوجي فقير من الصبح لليل كد وكله رايح ع الاساسيات سيارة وبنزين وفواتير .. احنا مو معدومين الحمد لله بخير من الله قادرين نمشي اوضاعنا بيادوب وبالكاد بس نفسيتي تعبت مخنوقة ما ظل عندي مردود مالي وزوجي اخر مبلغ ظل عنده على وشك ينفذ .. مو قصدي شكوى لانه الشكوى لغير الله مذلة ولاني الحمد لله عايشة بنعمة الصحة وحب زوجي ووجود بنتي بس مخنوقة ودي افضفض بس لا غير ادعوا لي وانصحوني شلون اقدر ابدل حياتي المالية في ظل انه ماعندي راس المال الكافي ..