السلام عليكم ورحمة الله وبركاته
كيفكم ياحلوات
كل وعام وانتم بألف صحة وعافيه والله يبارك لكم برمضان ويتقبل منا ومنكم صالح الاعمال يارب
قبل خمس سنوات تقريبا عملت حجامة وحسيت بفرق بس مو كبير مره لاني كنت مو متزوجه ولي فتره ابي اعيد التجربه ولا كتب لي الله الا امس
سبحان الله يابنات والله ثم والله ثم والله لو بيدي امسك كل وحده فيكم واغصبها على الحجامه كان سويت من فايدتها والله
تخيلو انا عندي اساسا هرمون الحليب وقدرت من فتره اني اسيطر عليه بالبردقوش بس صايره تحوم كبدي منه ولا عاد اقدر اخذه مع اني ادري انه كان بيوم من الايام سبب بعد رب العالمين في خفض الهرمون للمعدل الطبيعي
وعندي تكيس يروح ويجي و كيس على المبيض الايسر وجلوكوفاج وكلوميد ونفس المشكله ما راحت مني حتى الكلوميد ما استجيب له بسهوله اتعب يالله تطلع لي بويضتين ولا ثلاث يارب لك الحمد والشكر
وضعف تبويض وخلل بالغده الدرقية الله يشفينا كلنا يارب
المهم ياحبيباتي رحت عند وحده تحجم وهي اختصاصية وقلت لها عن حالتي وعملت لي حجامة تحت الصدر لهرمون الحليب والله طلع مني قطع ودم فاسد وقطع كبيره متخثره مره مثل الدورة الله يعزكم صدق انها دم فاسد
قالت هذا من هرمون الحليب مرتفع عندك
وعملت لي اسفل الظهر بمنطقه موازيه للرحم والمبايض اوووووف من بلاوي طلعت منها قطع دم سوداء متجمده وبلاوي قالت انتي وين تبين تحملين وهذا كله بظهرك وقالت لي المره الجاية نعمل لمنطقة الرحم من عند البطن حجامة
وعملت لي بعد على الرجلين ولقت دم متخثر قالت هذي من كثر الادوية اللي اخذتيها بحياتك تسبب ترسبات دم متجلط تحت الجلد
وقالت لي ما ينفع بس مره وحده لازم مدة 3 شهور متتالية تجين جلسة وحده ثاني يوم للدورة وتكلفتها تقريبا 150 ريال فقط وقالت لي كثير حملو بعد الله على الحجامة ومايحتاج اشرح لكم فوائد الحجامة قبلي كثير فتحو مواضيع خاصة فيها بس انا قلت بقول لكم تجربتي والله يرزقني وياكم يارب
النتيجة :
احس براحه فضيعه بجسمي الحمد لله والشكر
نمت مرتاحه مو مثل العاده اعصابي مشدودة
الفرق اللي انصدمت منه اني حسيت ان رحمي ومبايضي يألموني مثل الوضع اللي لما اخذ منشطات لدرجة اني فتحت زرار بنطلوني احس انتفاخ في الرحم والمبيض قلت سبحان الله كيف نشط لي مبايضي يارب لك الحمد والشكر
مارحت للمستشفى للحين بروح ان شاء الله السبت وبقول لكم وش صار على التبويض بعد الحجامة
احس ان جسمي خفيف مو مثل اول خمول وكسل وودي اقط روحي في اي مكان من تعب وثقل جسمي على اني مو سمينه
عموما ترى الحجامة ما تألم ابد حتى المشرط ما تحسين فيها كأنها نغزات قلم رصاص على جلدك واول ما تخلص تشمع لك الجروح بمادة شمعية تغطي الجرح حتى عادي تاخذين شور بعده
وحاولو انكم تنتقون أفضل الحجاميين لان الحجام الجيد يفهم بالتشريط ولا يبقي أثر بالجلد ويكون نظيف ويشمع الجرح
قبل ما اروح احجم جلست تقريبا 4 ساعات بحث في قوقل تجارب العالم بالحجامة للحمل سواء رجل ولا امرأه انبهرت من النتائج والله صكيت لاب توبي وقمت دايركت على الحجامة
الله يرزقنا وياكم دعواتكم تكفون :(
المصممة ندى @almsmm_nd
محررة
يلزم عليك تسجيل الدخول أولًا لكتابة تعليق.
*ملاذ*
•
ما شاء الله تبارك الله مشكورة على ذكر تجربتك بس لو حبيت احجم علشان الكيس الي على المبيض كيف بيكون ؟ وانتي حسيتي ان الكيس خف عن قبل والا لا ؟ بأنتظار ردك
سديم 84
•
الله يوفقك يا اختي ويرزقك ويرزقنا الذرية الصالحة السليمة عاجلا غير اجل
مشكورة على نقل تجربتك وياليت تقوليلنا على نتيجة التبويض عندك
بس فين عملتي الحجامة فأي مركز؟
مشكورة على نقل تجربتك وياليت تقوليلنا على نتيجة التبويض عندك
بس فين عملتي الحجامة فأي مركز؟
مارشمالو
•
الله يجزاك خير على ذكر تجربتك ..
و ينفعك بالحجامة يا رب .. و يرزقك الحمل السليم الثابت و كل مسلمة
و ينفعك بالحجامة يا رب .. و يرزقك الحمل السليم الثابت و كل مسلمة
الله يبارك لك ويرزقك الحمل السليم
انت في جدة وياليت تعطينا التفاصيل
انا من اول ابي رقم حجامة في جدة
انت في جدة وياليت تعطينا التفاصيل
انا من اول ابي رقم حجامة في جدة
الصفحة الأخيرة