الحجامه للحامل ؟؟؟

السلام عليكم
خواتي فالله من منكم جربت الحجامه وهي حامل هل هي مضره للام او الجنين ؟!
ناويه اسوي حجامه و لكن متردده من ناحية الخطوره و هاذي اول مره بحياتي أفكر أسويها
انا بالشهر الرابع وأحس دمي متخثر والله كرهت نفسي كسل لو اجلس خمس دقايق رجولي تصير بقع حمرا والم اَي مكان بجسمي أطول بالجلسه عليه كذا ثقل مو طبيعي وكأني بالتاسع خمول وتعب من ابسط جهد الدرج يتعبني ياليت أتنفس كتمه وضيقه كنت أقول بنفسي هذا وحام و لكن راح الوحام الاستفراغ والغثيان ولكن مازال الالم حياتي انقلبت فوق تحت نومي ملخبط انام ساعتين كوابيس واحلام تخوف يعني مثلا تكرر علي كثير العقرب فالحلم اكثر من ثلاث مرات وبكل مره تلدغني اخر مره امس قمت مفجوعه احس بالم الدغه او احلام مشاكل مع اهلي عمال يحاولون يغتصبوني ابوي يموت ويندعس تعبت تعبت كرهت النوم مع اني احيان أكون نايمه ع طهاره وقرايه أذكار النوم تعبت مدري مشكلتي من الحمل او شي ثاني حاولت احل مشكلتي لأني لو استمر كذا راح انجن اول شي فتحت ملف وباذن الله بعد ايّام تطلع تحاليلي لكن للاسف ما قدرت اسوي سونار لان الدكتوره لازم حجز مسبق لسونار وموعدي بعد اسبوعين و الدكتوره اجنبيه حاولت اسألها عن الحجامه لكن مافهمت علي طبعآ انا مظطره اتابع عندها لانها بمستوصف الحي الخاص غالي جدا وانا اتعب من اَي مشوار صارلي فتره محبوسه فالبيت اشيل هم الطلعه فكرت فالحجامه يمكن تريحني ع بال مايجي موعد السونار واطمن أتمنى اللي جربت الحجامه تفيديني او اَي شيء ممكن يريحني من الحاله هاذي ارق إرهاق قلق عصبيه لدرجه البكاء وافقد أعصابي لدرجه بدأت أشك اني مريضه نفسيآ ماني متقبله اَي احد ياليت احاول أتقبل أولادي و احيان افقد أعصابي عليهم على أسباب ما تستأهل وأكثر شي متعبني احس دمي متخثر شعور ما اقدر اوصفه أتمنى منكم الإجابة والدعاء