الحذر الحذر .. طريقة راقية جدا باالشحاته

السلام عليكم
يابنات كنت بكتبلكم هذا الموضوع من زمان بس ماني لاقيه وقت >>عجازه

قبل فترة رحنا لمكه المكرمه ماشاء الله بنسوي عمره اول مانزلنا من السيارة وقفت جمبنا سيارة كامري
رجال ملتحي تقولين مطوووع ومعه طفله صغيرة كلم زوجي وقاله انه من القصيم المشكله لهجته
من دوله عربيه مو بسعودي ويقول محفضتي انسرقت مني وانا بالحرم وماني لاقي اللي يرجعني للقصيم وزوجتي بالحرم تنتضرني ... المهم زوجي اعطاه ماتيسر وجاني يترحم على حال الشحاد وانا وربي من شكله عرفت انه شحاد لكن زوجي الله يهديه ماصدقني يقول باين عليه يخاف الله ماشفتي كيف لحيته حتى النور باين بوجه :06: ؟؟؟

مشينا خطوتين بس والله حتى ماعدينا من الشارع إلا وتجيك السيارة الثانيه وفيها رجال ومعه حرمه واطفال
ونفس القصه يقول اني انسرقت ومقطوع وعيالي مو لاقيين اللي ياكلوه المهم من هالكلام
زوجي الحين اللي فاق وعرف انهم شحاااااااااادين خصرهم ولاكلمهم ويادوب انفلتنا منهم وبعد ماراحوا يزمرون بوري ويضحكون الله ياخذهم ..

حبيت احذركم اخواتي هذي طريقة جديده يشحدون فيها والله العالم ان اغلب الاطفال اللي معهم مخطوفين
حتى البنت اللي مع الشحاد الاول شكلها سعوديه وبدويه بعد الله يستر ..