الحذر ثم الحذر من اي خلطة فيها كريم طبي

السلام عليكم ورحمة الله وبركاته. يا اخوات الله يهديكم ما قد سمعتوا عن احد اصابه مرض والسبب خلطات الكريمات؟. يعني جد و الله ما تتوبون اذا كانت خلطات الكريمات التجارية تسبب مشاكل وتركيباتها محددة بكميات بسيطة حتى يكون استخدامها آمن واذا خلطتيها صارت مضره اجل وش راح يصير مع الطبية اللي تراكيبها معقدة ومحسوبة باللمليجرامات واي خطأ في الكميات رح يكون الكريم كله (بايز) وهي في المختبر فكيف تخلطي من (عقل بالك) ثاني شغله أنا شخصيا كنت اراجع عند طبيب جلدية وكنت اتعالج بمراهم وكريمات زي اللي وحده من الاخوات حاطتها (على مود انها تبيض) لكنها خطيرة اولا كان يقول استخدمي كمية قليلة يادوب تغطي عقلة الاصبع (انظري لراحة يدك مو اصبعك السبابة مقسم لثلاثة اقسام بس القسم العلوي ولا تغطيه بالمرهم كله) لانه يسبب تهيج للجلد ثانيا بعضها يستخدم على مراحل يعني اول اسبوعين مرتين في اليوم ثاني اسبوعين مرة في اليوم وكذا يعني يسوون لك جدول تمشي عليه المسالة خطيرة ومو خبط لزق هذا غير الاثار الجانبية اللي تظهر ولو كنتي ماشيه عالجدول العلاجي صح ثالثا غالبية التراكيب من الكورتيزون او مشتقاته ومو ضروري يكون مكتوب في النشرة لانه يكتب باسماء مايعرف انها من مشتقات الكورتيزون الا الطبيب و الصيدلي واياكم يااخوات تطلبوا من الصيادله اللي في الصيدليات التجارية يخلطوا لكم شئ لان بعضهم ما يهمه الا الربح لكن اذا كان مستشفى لازم يكتب الطبيب كمية كل ماده في الملف لكن اذا كان اهلي اطلبي ورقة يكون مختوم عليها اسم المستشفى واسماء الكريمات ونسبة كل كريم مستخدم في الخلطة عشان اذا صار ماصار لا سمح الله يقدر الطبيب يعالجك باذن الله وتاخذي حقك من المستشفى الخاص اللي سبب لك المشكلة غير كذا لاتنسوا الامراض اللي تسببها هالخلطات من فشل كلوي وتسمم الكبد ومشاكل العظام والامراض الجلدية اللي مالها حصر ولا عدد انا قلت اللي عندي وبريت ذمتي وانتم احرااااااااااااار. اللهم بلغت اللهم فاشهد.