Lostandfound @lostandfound
عضوة جديدة
الحذر لا يمنع القدر ؟
السلام عليكم كيف حالكم بنات؟ ودي أطرح سؤال لأي وحدة ولدت مبكر أو أجهضت هل كان من الممكن تفادي اللي صار؟ أنا بالنسبة لحالتي جتني ولادة مبكرة بالأسبوع ال28 وكان يوافق يوم عيد والمستشفى تعامل معي بأعمال شديد ! تخيلوا أن جايتهم معي طلق خفيف ونزلت السدادة ومعي دم خفيف .. بس سبحان الله لما سو لي سونار طلع الرحم مسكر وقالوا لي روحي البيت والطبيبة المناوبة حسبي الله ونعم الوكيل ما كلفت نفسها تعطيني مثبتات ! ما جا اليوم الثاني ألا والرحم مفتوح 4 واضطروا يولدوني والطفل توفى بعد كم يوم الله يجعله شفيع.الغريب أن ماكان عندي أي مشاكل فالحمل وطول عنق الرحم 3.3 والمشيمة مرتفعة والموية كويسة ولاعندي سكر أو ضغط الحمل الحمدلله. فتعبت نفسياً لأني ما عرفت السبب ! ولأني خايفة الموضوع يتكرر :( الشيء الوحيد اللي شكيت فيه هو أن اليوم اليي قبله كنت أنظف البيت والرقيت الدرج كذا مرة وكان يوم عرفة فكنت صايمة وافطرت على رطب. بس لما بحثت طلع مافي شيء يثبت أن الدرج أو الرطب يسببون ولادة مبكرة! ودي أسمع تجاربكم ولا تنسوني من دعائكم ..
11
1K
يلزم عليك تسجيل الدخول أولًا لكتابة تعليق.
اطياف ماض
•
الله يعوضك يا قلبي ويجعله شفيع لك
نوره حاف
•
الله يعوضك ياقلبي مقدر ومكتوب لاتلومين نفسك حتى انا قبل اربع سنوات كنت حامل وبنهاية الشهر الخامس رحت مراجعه عاديه وواكتشفت الدكتوره ان الرحم مقتوح مع انه مانزل علي شي ورحت لاستشاري في مستشفى خاص وقال نسوي ربط اضطراري مع انه متاخر بس نحاول ننقذ الحمل وسوا لي الربط بس للاسف بعد الربط بيوم نزلت علي المويات لين صارت صفر وفتحو الربط ونزل الجنين وانا وقتها كنت اداوم واطلع الدرج وانزل بس ذا مقدر ومكتوب مالنا يد فيه والله يجعلهم شفعاء لنا ويعوضنا العوض الجميل يارب اولاد لنا بالاخره ماهم اولاد دنيا والحمدلله على ماقدره الله رب الخير لايأتِ الا بخير.
إسبريسو
•
الله اعلم وش السبب ماتوقع الدرج والرطب سبب اذا كان حملك سليم عمووما هذا قضاء وقدر وامر المؤمن كله خير الله يعوضك خير يارب
شكراً لك من مر، الله يجزاكم ألف خير ويتقبل دعائكم.
أختي نوف الله يعوضنا يا رب عاجلًا غير اجل.
أختي نوف الله يعوضنا يا رب عاجلًا غير اجل.
الصفحة الأخيرة