الحركات الغبيه ليلة العرس...مالها دواء

السلام عليكم

شلونكم يا المزيونات ... العنوان واضح بس نبي نوسع صدوركم بالمواقف العجيبه مع الربكه ليلة العرس مع المعرس ولا بالصاله

و طبعا ابدا بنفسي هذا ياطويلات الاعمار زوجي ما عرفه و لا قد شفته من جماعتنا و بس دخلت عليه بسويت عرسنا بعباتي و شيلتي عيت احطها<< مستحيه

و طلعوا العالم و انا متغطيه و ماسكه مسكتي << توني احس المسكه مالها داعي
و يوم جا عندي يبي يشيل الغطا عطيته المسكه حطها على الطاوله و رجع مره ثانيه عطيته العباه ..<< مصره ماشيل ذا الشيله ...رجع مره ثالثه .. مابقى شي عطيته الشيله

بعدها مد ابو الشباب يده يبيني امسكها تخيلوا وش سويت ... طالعت فيها مدري شيبي ...شتهقون سويت :) سليتها يعني Give m 5 .. :42:وضحت زي العيال العرابجه صفقت كفي على كفه

ان شاء تكونون استمتعوا بذكاء اختكم ...عروس جولاي و نشوف ذكاء الباقيات