الحركه تقهر او انا حساسه

مرحبا بنات
بكل امانه وش رايكم بالموقف
لو لك اخت تخرجت
وانتي لك اسبوع تجهزين هديه تخرجها
وتحمسين اهلك يحتفلون بها
ورحتي وسويتي له حفله بسيطه بكوفي وعزمتي بنات عمكم معكم
فجاه
اختك تقول باعلى صوت وبضحك
صراحه ازبل حفلة تخرج
وش بيكون ردك
معك حق انك تزعلين عليها ولا تكلمينها
يعني اقسم بالله ضاغطه ع نفسي
ومقصره على نفسي وسويت لها حفله
وهديه الف ريال
واخر شي تقولب هالكلام قدام بنات عمي!!
يعني وش ذا الوقاحه
لا اختي مصدقه نفسها مره
يعني تقارن نفسها ببنات العز
والامراء وتبي مثلهم للاسف هه
وتجي تسوي هالحركات عندهم
ندمت قد شعر راسي
اني سويت لها شي
كلامها جرحني ماقدرت حتى اتكلم
لدرجه وجده من بنات عمي
قالت لها احمدي الله احد قدرك
يافسقانه!!
انا تجمدت
من الصدمه
ومن الحسافه يعني هذا جزاي؟
لما صارحتها قامت ترقع
وتقول كنت امزح
بس اني حساسه تتحسسين من كل شي