الحرمة اللي تخطب لزوجها!!

بعض الحريم اللي يخطبن لرجالهم




هذي صديقتي مالها شهرين من تطلقت هي كانت زوجة ثانيه طبعا طليقها كان صاحب ابوها زارتهم زوجته وشافت صديقتي اسبوعو جاء زوجها يخطب يقول أن أم فلان شافتها واعجبتها وقالت يا أبو فلان اخطبها ما راح تلقى مثلها صديقتي انقهرت تقول أبوها ضغط عليها يقول مافي الرجال عيب حتى زوجته موافقه وهي تأكدت من زوجته أنها موافقه وقالت الشرع حلل أربع وأنا ماجيتكم إلا عشان اشوفك والرجال صار يسير ويكلم ويقول هاه يا أبو فلان اللين البنت وافقت وتزوجت وتقول ياليتني ماتزوجت ذقت أنواع القهر من زوجته تقول وأنا ساكته ما اشتكيت حتى لزوجي اللين بدأ الرجال يتطاق مع زوجته الأولى تقول وأنا أصلح بينهم وتقول واحيان تزعل وترمي عيالها علي تقول واصبر اللين ترجع وكل يوم أقول الله يسامح أبوي اللي وهقني في هالزواج وتقول من يوم شفت هذا وضعهم قلت يابنت لاتردين على استفزازهم لك لأنه حتى الرجال قلب عليها هذا كله صار في اسبوعين تقول وربي أنه كل يوم في مصيبه وكل يوم في حال ويجي ذاك اليوم وتزور اهلها وتقول وأنا خلاص ميته هم وغم وتقرر تقول لأبوها وأبوها الحمدلله حن قلبه عليها قال اجل والله ماعاد ترجعين له وطلبت الطلاق والحمدلله اللي فكها منه تطلقت تقول لكن باقي زوجته تلاحقني بالرسايل تقول مره مرسلة لها ( شوفيني مسافره مع فلان موتي قهر )  ومرة مرسله لها ( تستاهلين الطلاق يا خرابت البيوت ) ( تقول حتى حملها ترسل وتقول باركي لي طلعت حامل ) ( شوفي هذي الهدية من فلان ) وكل ما تعطيها حظر من رقم تطلع برقم ثاني تقول صديقتي اللي قاهرني أني ماقد راسلتها بحياتي ومع هذا ما ابغاهم ولا ابغى طاريهم لكن مدري من وين طلعوا اللي ينتقم لي منهم طيب




وش ذنب بعض البنات يوم تروح الحرمة تخطب لزوجها وتبلش البنت ترى البنت إذا انخطبت عندها أهل مايرفضون الرجال إلا إذا كان فيه سبب مقنع  يعني هذي الحرمة لو أنها ماراحت تخطب لزوجها كان أهل البنت ما ضغطوا عليها




ياليت تدعون لصديقتي أن الله يعوضها بالرجال اللي يسعدها ويعوضها عن اللي شافته ويفرج همها