الحرمة اللي ما عندها ذوق تعالي هنا و اللي تعاني منها بعد هنا

مساء الخير / صباح الخير << عاد اختاروا وقتكم


الصراحة بدخل في الموضوع بدون مقدمات حدي معصبة من هالاشكال
و لان الموضوع طويل و يا رب اخلص وانا مبردة حرتي



بتكلم عن النسوا ن الفلحات بالتحطيم ما شاء الله عليهم وش اقول وش ابقي قسم انهم اشد وقعا و ألما من صكة الاصبع الكبير في طرف الباب وقت الشتاء :06:

نسوان اذا قابلتهم في مكان ادعي اللهم أكفني شرهم بما شئت

وش احكي عنهم حسبي الله عليهم قسم ان ثقتي بنفسي صفر

اي مكان ادخله احس ان شكلي مبهذل و شعري خايس لبسي يفشل شوي لو يعطوني جوي و أتعمق فيه بدخل في مرحلة ان اشك أني حرمة إنسانة من البشر بحس أني فضائية لوني اخضر و عيوني سودا كبيرة و صلعاء :icon19:

إيه فضائية هذا شعوري بس بعض الحريم الله يسعدهم دايم يخربون جوي بكثرة السلام و التبوس و كل ما فهيت و بدا المود من جديد نطت لي وحدة من بعيدة كيف حال ام فلان

لا تستغربون شعوري هذا الله يسلمكم تراكمات من التحطيم اللي حصلته من بعض الحريم اللي كل سوالفها معك :

يا لله وش صار عليك مرة نحفتي يا ربي وجهك و ين راح << ما ادري و الله وين راح هو اصلا ما قال لي شيء :rolleyes:

و الثانية مدرعمة جايتك ركض لا لا لاااااا ءء لا تقولين انك حامل << لا مو حامل هذي كرشتي ارتحتي الحين :icon19:

و اللي و انت بنص السالفة تمسك شعرك و انت ترتبكين و تبدي يطلع التلكيع حقك و هي إيه إيه و طايحة تلمس بشعرك بعدين تصكها بجبهتك ليه شعرك كذا انت ما تهتمين فيه مرة متقصف حالته حاله

انت هيه من وكلك علي تراقبين خلقتي؟؟؟!!!؟؟؟؟؟؟؟؟؟!!!!!!!!

من زين وجههم و لا الجسم قسم بالله بعضهم ودك تشترين نص ثقتهم بمئة الف تكفيك لين تصيرين رجل في الارض و رجل في القبر يجون الناس يزورونك يقولون يالله حسن الخاتمة تردين قطيعة بتمتوني و أنا لسى بسم الله علي أهبل وش زيني

بعضهم تطلع منهم عفوية لانهم قليلات ذوق بطبعهم و اللي كذا لازم تنقرص اكثر من مرة علشان تأدب

و بعضهم متعمدة تبي تحطمك لانه يا تغار منك يا تحسدك و أسوء شئ اللي غيرتها و صلتها للحسد الله يكفانا شرهـا هذا تعمد تجرحك قدامك و من وراك ما تسكت بالمجالس ما عندها الا سب في فلانة و علانة في شكله بلبسها في بيتها هذا الانسانة أحقد عليها اكرهها اللي كذا يعني لا خلق و لا اخلاق و لا احد سالم من انتقادها الا اللي مثلها <<< طبيعي ما تقدر عليهم تعرفهم و تعرف خبثهم خبرة الاخت :freak6:


و فيه نوع راقي شوي نوع ما تعرفين لهم حبوبات معك و يسولفون و تاخذين معهم شوي يقطون بوجهك هذاك الشيء اللي يخلي الدي ان اي ( حق الجينات ) يتحول لشيء ثاني يمكن تصيرين فضائية مثلي و أسؤ شئ لو تصرين جماد عاد هنا مالك حل :07:

ليه كذا ليه لما تسولفون ما تراعون اللي قدامكم ما اطلب منك يللي تقطين كلام تحترمين الناس لانك ما تربيتي على الاحترام اطلب منك مراعاة مشاعر لمصلحتك لانك بس تقفين ارفع يدي لسما ادعي ربي انه ينتقم لي منك

و الاوقح اللي تعمد تحطمك قدام مجموعة انتي جاية لابسة و كاشخة مستشورة الشعر و قبل مَا تطلعين اخذتي فرة عند ابو الشباب علشان يعطيك كم كلمة عسى يرتفع رصيد الثقة تجي وحدة صعلوكة تصفق وجهك و تخرب يومك و حياتك

لا تقولون و الله اللي واثقة من نفسها يا جبل ما يهزها ريح <<<<< ترها نفسها اللي تصك بالجبهة اللي تقول كذا :rolleyes:


أنا بقول لكم مشكلتي

أنا مسالمة بطبعي و ما احب اسوي مشاكل الحمدالله ينقال عني حلوة غير أني طويلة و رشيقة

عندي عيوب إيه طبيعي كل انسان عنده عيوب

قبل ما تزوج مجتمعي و محيطي بسيط من ناحية انهم البسي و اكشخي تفنني قرعي شعرك أحرقي وجههك سوي اللي تبين بتسمعين كلمة تنقط عليك و تمشينها او تردين بأقوى منها و عادي حبايب غالبا ما يتجرا علي الا صحباتي او من المقربين من الأقارب

بس بعد الزواج قابلت ناس اشكال و ألوان ناس عسل اخلاق و الله لو تقابلينهم بالبيجاما ما بتسب و لا بتعلق بالعكس يمكن تمدحك سواء تجامل و لا من قلبها لانها عسسسسسسسل و لا تبيك تنحرجين منها :heart:


وناس مهما تعبتي بطلعون فيك مليون عيب و ما يرد لسانهم شيء على طول تستلمك و يا كثرهم

و اكره ما عندي اللي تسوي انها قالت من حسن نية و الله اعرف انك تكلمين متعمدة مؤ أنا البزر اللي تعطينه حلوى و تمشين خبثك

فيه وحدة أزعجتني تاذيني عن طريق مدحها لاخواتي طبعا أنا معها و أخواتي على عيني و اشهد ان كل كلامها صح بس أنا عارفة هي نيتها تجرحني مؤ نيتها تمدحهم مثل واو لبسك روعة بس احس يصلح لفلانة (اللي هي اختي ) تعرفين هي مرة واو حلو عليها هالاشياء و لا تقول ما احس يصلح انك تلبسين كذا انت لازم تلبسين كذا و كذا

خلاااااااص اختارت لي الاخت الاشياء اللي تصلح لي و غيرها اطلع افشششششششل شيء قبيح :mad:

شوي ما شاء الله اختك فلانة مرة قمر انت شلون طلعتي << هذا الله يسلمك يوم جات الولادة لامي فيني تقول أني كنت اناقز في بطنها و من قوة النط طلعت من خشمها و لا كنت بصير قمر زي اختي بس الحماس خرب علي

ترى واضحة انك تلمحين لشئ و ودك تسبين و تطلعين حقدك اللي بقلبك بس مسوية ذوق و اقول لك


أنا لو ابي امسك هالخشة و اسفل فيها و الله ما يكفيني ليلة و لا يكفيني الكلام لو اكتب عيوبك ما يكفيني دفتر ابو مئة لان عيوبك ماليتك بس أنا ذوق اشوف عيوبك و في قلبي احمد ربي على نعمة و بس عيوبك ما تتعداك يا بنت الناس :

فيه اشياء اكبر مثل مرة وحدة قالت لي ترى الجمال الطبيعي يملونه الرجال هم يبون اللي تصبغ و تدلع و تعدل حواجبها << إيه ما اعدل حاجبي خلقة مرسومة بس هي تبي تطلعني خياس

و الشعر الطويل ممل و اعرف ناس يا ربي يحبون يسوون طبيعيات من زين الشكل يا زين من مسك كششهم يضبطها و لا الميك اب يا دوب ما يبان ليه كذا انا ما ادري كيف ازواجهم يتحملونهم

من كثر ما تكلمت قلت أكيد زوجي قال لزوجها شكى له او شئ

طبعا رجعت ذاك الليلة و استلمت زوجي ايوه ايوه شلون تبي شعري اصبغه و لا اخليه إيه وش اللي يعجبك شعر طويل و لا قصير و يللا من هالكلام و هو ساكت يوم سكت انا قال لي هاتي وش عندك قلت له ما عندي شئ قال لي اللي في بطنه ريح ما يستريح بتقولين الحين و لا أنطقي

قلت انت اذا في خاطرك شئ قل لي بلا حركات لف ودوران و هات يا هواش

و الله انهم يسببون مشاكل حتى الثقة يقلصونها لك لصفر


عاد ما تكلمت عن اللي اذا قدمتي لهم شئ ما يقولون شكرًا لااااااااا

ليش سويتيه كذا أنا اسوي بطريقة وااااو تاكلين أصابعك من لذته << ما شفنا شئ ما نبي ناكل اصابعنا نحتاجهم انت بس سويه يا فالحة


و لا اذا مسوية لها عشاء متعبة نفسك يبتدي الموال التحطيم و التحلطم لا تحطين لي من هذا دسم او مسويته بالزبدة لا ما اقدر اكل أخاف يسمن ما ابي اصلا عشانا دائماً خفيف >> ما كنت ادري انك عارضة ازياء لو ادري كان غسلت خستين و حطيتهم لك و معليه كولي لقمتين و خربي ام جسمك يا رشيقة مجاملة لتعبي


اذا انت بثرة و قليلة ذوق انصحك قابلي مرايتك و هالمرة تأملي عمرك زين تعرفين وش يعني زيييييييييين

و اذا كنت تعرفين نفسك بس لسانك يلفك مرتين يسرني و يسر أخواتي الاعضاء موقفك عند حدك هنا هذي المساحة وجدت لخشتك الخنفشارية استمتعي :wink:


أسفة على الإطالة و الموضوع طلع طازة من قلبي للكي بورد عسى بس يسمعون و يستحون على وجيهم