الله يسعدك يارندلي العسل
ذكرتيني بسالفة زوجة ولد عمي ياااااااااهي غثتني غثاااااااا
هذي ياطويلة العمر من يوم ماعرفتها وهي ماعندها الا ملامح التعاسة الأبدية على وجهها
وبوزها شبرين وزهقانة واذ سألتيها وش فيك اقري على نفسك الفاتحة لأنك مش حتقدر تغمض عنيك .. وربي حتى الإلتفات ممنوع
لازم تسمعينها وتعطينها الاذن الصاغية والخشم الصاغي و الحواجب ضروري تعبر عن صدمتك بكلامها اللي بتقوله حتى لو انها عايدته عشرطعش مرة لاااااااااااازم تعبرين عن الإندهاش والمفاجأة والحزن على حالها

انا حاااااااامل و اخوات زوجي يزعلوني
انا حااااااامل وعمتي تضايقني
انا حاااااااااامل ومشتهية جريش وعمتي ماسوته لي
الله يقلع عدوك قووووووومي انتي سويه بنفسك يعني ماحد حمل غيرك ... ترى لاعت كبودنا <<< تحلطم هنا بس قدامها تستحي تكسر خاطرها :(


سبحان الله احسها تستمتع بالعذاب وجلد الذات على اتفه الاسباب مادري ليه :eek:

يوووووووووه ذكرتيني بسذاجتنا ( اسميها كذا ) انا وصحباتي وبالذي مضى

في ايام الجامعه كانت معانا وحده ربي يستر عليها واحنا مستوى ثالث جاتنا فجأة كذا وتورينا يدها وتقول

بنات شوفوني انخطبت وملكت.. كلنا فتحنا فمنا متى وكيف وليش ماقلتي؟ لاننا ندرس سوا كل يوم مع بعض حتى

اتذكر ثنتين من صحباتي زعلوا عليها لانهم كانوا خلال الاسبوع اللي تقول ملكت فيه كانوا على اتصال دائم وماجابتلهم سيرة الموضوع

المهم وكل يوم افلام مره مايرد عليها وتبكي ومره ابوها معكر الزواج ويباهم يفسخوا الخطوبه ومره ومره ومره افلام

بعد الاختبارات قالت خطيبي طلقني رجعنا لنفس الدهشه وفتحة الفم واااااااه ليش حرام

قالت ابوي اجبره يطلق ولانه يحبني ما اخذ المهر ( 70 الف على كلامها ) تقول قال خليها لك

وبعدها بفترة يعني ترم كامل تقولنا بنات انخطبت بعدها باسبوع ملكت  المشكله كانت توصف كيف دخلت له وقت الشوفه

وكنت لابسه ذيك التنوره اللي لبستها يوم السبت مع ذيك البلوزه............ الخ وفستان الشبكة والطقم ومدري ايش

وطبعا خلال فترة ملكاتها كل شوي يدق الجوال خطيبها وتقوم تنقز ترد عليه واحنا نسكت عيب خطيبها يكلمها ههههههههههههههه (اضحك على اشكالنا وقتها )

وتقول انه بيتزوجها وعلى طول بيسافرون الامارات بيعيش يدير فرع شركة ابوه اللي هناك؟؟ وتتشكي وتقول انا حجلس

طفشانه بس قلتله علمني السواقة..

جينا اول يوم في الاختبارات النهائية الا تبكي وتقول ماذاكرت ابوي شق محاضراتي وفلان طلقني سبحان الله انا غطيت وجهي

وخرجت اركب السياره( وقتها كنا خارجين) احسها مادخلت راسي مرتين تتطلق وش الاب ذا اقول.. اما بقية صحباتي

زعلوا وحزنوا عليها.. تقول ابوي اشتكى على خطيبها وسجنه يقول هو اللي كسر سيارته واجبره يطلق ومدري ايش..

بعدها يابنات باسبوع اتوقع.. الا وحده من صحباتي طلعت لها قريبه تقرب لذي البنت الضحيه

سألتها فلانه صح تطلقت، مين فلانه ولا عمرها انخطبت.. الكل جلس يومين مذهول

معقوله سنتين تكذب علينا ( من بداية ملكتها الاولى الى طلاقها الثاني كما تزعم ) واحنا نتفاعل معاها

وكل يوم مناحه ومنكده علينا.. بس والله حزنت عليها مسكينه ذي مريضه او انها تحب تعيش بالاوهام

او فاقده شي وتعوضه بالخرط على روسنا ( هي كانت سمرا واختها اللي اصغر بيضا وانخطبت قبلها )

طبعا تخرجنا وكل مين راح في حاله وقل احتكاكنا فيها

مر على اكتشافنا لخرطها 3 سنين بس كل ما اشوفها على طول تجي في بالي كلمة الكذابه استغفر الله ما اعايب عليها

بس من شي فضيع شفناه.. الله يشفيها ويرفع عنها ويعافيها ولا يبتلينا ولا يبتلي احد من المسلمين به..

بالله اش رأيكم في الحكايه؟؟

اتركي الظحيه علي جنب انا مشكلتي اتفاعل بقوووه معهاااااا >>>> صحيحه

هههههههه تمزعت من الضحك
صحيح هالنوعية تغثثث مرة
بس ياليتك طرحتِ طريقة التعامل مع هالنوعيات
خصوصا لما تكون وحدة مرة ذوق معك
بس تحب تكون ضحية
شلون اقولها ( بس بلا بكش ) بدون ما امخش مشاعرها ..!؟؟؟!
سؤال يطرح نفسه ..! :04:

هههههههههههههه الله يسعدك رندلى مت ضحك احب مواضيعك الله يعطيك العافية