الحرمه نفسيته مدمره وتفكر في الانفصال

بكتب لكم اليوم عن صديقه لي عزيزه على قلبي
تواجه مشكلة تعتبرها عويصه وانا بعد لما فكرت فيها اعتبرتها عويصه
ما اعرف بشنو انصحها
عطوني رايكم يمكن الله يجعل حل الموضوع في ايدكم
صديقتي يا جماعة الخير متزوجه من سنة ونص تقريبا
زواجها تم عن طريق العائله لابن عمها الي كان يشاع عنه انه يرغب في الزواج منها من زمان
المهم تزوجو وفي الاسبوع الاول ونظرا لتعب العروس من الاستقبلات نامت ذيك الليله قبل زوجها وصحت بعد فترة عشان تشرب ماء :44:
واذا بها تتفاجئت بالمنظر الي جدامها
زوجها فاتح التلفزيون على قناة اباحية
انصدمت طبعا
والزوج ما حس ابدا انها شافته في الوضع المشين
سكتت وكتمت في نفسها
خصوصا انه مو مقصر عليها في شي ومثل ما نقول شايلها في عيونه
بس ايام وايام وهو يطيل السهر في الليل حتى تنام المسكينة عشان يجلس ويشاهد هذه الافلام
والمشكلة انه في الاونه الاخيرة قام يقصر في حقوقها الشرعية (( اعتقد انتو فاهمين ....))
خلاصة الموضوع هل تواجهه ؟؟ ام تسكت وتفوض امرها لله ؟ خصوصا انه صار بينهم طفل الان
اشيروا علي يمكن رايكم يفيد المسكينة الي الهم غزا قلبها