اليوم جبت لكم
شوربة الحريرة
انا اسويها بطريقة بسيطة وسهلة ولذيذة مررره للي يحب الشوربات
بس هي حريرة بيضاء مب الحريرة اللي لونها احمر
اولا ..المقادير (مقاديري شوية بس انا و زوجي )
بصل - قطع دجاج - ربع كاس رز - ربع كاس عدس - ربع كاس شعيرية
- بقدونس مفروم - بيضة مخفوقة -ثلاثة ارباع كاس حليب سائل
ثانيا .. احمس البصل مع شوي زيت لين يذبل شوي وبعدها احط قطع الدجاج وقلبها
وحط عليها شوي كمون ورشة قرفة وفلفل ابيض ورشة ملح
ثالثا بعد ماتقلبين الدجاج حطي علية ماء مغلي وخلية يغلي مدة خمس دقايق وبعدها احط
الرز وطبعا يكون مغسول من قبل (سمحوني نسيت اصور وانا احط الرز )
اخلية يغلي بعد خمس دقائق
رابعا .. احط العدس ..وخلية يغلي خمس دقايق وقلبة كل شوي
خامسا .. احط الشعيرية
اخلي الشوربة تغلي خمس او عشر دقايق على نار هادية
وبعدها اجيب الحليب والبيضة والبقدونس
احط الحليب ونتظره لين يغلي وبعد مايغلي احط البيضة وانا احرك بسرعة لين تصير قطع
كانها خيوط وخليها تغلي دقايق بس
واخيرا احط البقدونس المفروم وحركها دقيقة وطفي النار عنها
وصحتين وعافية على قلوبكم
جربوها لذيذة مررره
اتمنى تعجبكم
:27:
