الحريم إلا يهتمون بنفسهم يدخلون يعلموني

شوفي انا زيك زوجي مايلاحظ اذا حطيت مناكير
لكن لو رحت معه السوق مثلا والكاشيره حاطه مناكير
عينه بتنط على يدها
استغفر الله واتوب اليه

حبيبتي حط في بالك أن اهتمامك بنفسك عشان نفسك مؤ عشان زوجك
بسراحة استغرب من بعض الحريم إذ زوجها في تهتم وتلبس و تسنع بس إذ زوجها مؤ في تعفن ههههه

سوي جدول
جلسة الليزر كل كم شهر
تشقير الحواجب خلي معاها حمام زيت للشعر و ضبطي اظافر يدك و رجلك و لا تنسين تحفي وجهك
صبغ الشعر كل فتره و ثانيه بس انصحك بالخاليه من الامونيا عشان صحتك
تنظيف عميق للوجه كل فتره و ثانيه

اما بالبيت كل اسبوع على الاقل سوي حمام مغربي فرررركي جسمك كويس
الكريمات مهمه ايدينك بعد كل مره تغسلين المواعين و قبل النوم و لا تنسين رجولك جيرجنز للقدمين فضيع ووجهك اول ما تقومي و تغسلي وجهك رطبيه و قبل تنامي رطبيه

اذا ودك ابرة نضاره كل خمس ست شهور

اما المناكير الصلاه تربط صعب ما في الا وقت الدوره
هذا اللي يحضرني

اللي حكيتي عن ابرة النظارة احكيلنا عن سالفتها

توك ماكملتي سنتين وكسلتي

انا صار لي 7 سنوات وعندي طفلين مجننيني ودراسه ما امل من هالاشياء

مو عشان زوجي من وانا بنت وانا كذا اموت بالاهتمام بجسمي وبشرتي وشعري

امي تسولف لي تقول من الابتدائي وانتي كذا

انا صراحه ماحط مكياج كثير عشان ماخرب بشرتي لكن اهتم فيها

عشان حتى بدون مكياج واساس تطلع حلوه ونظره ، اما المناكير انا اعشقه وزوجي بعد يقول اكثر شي احبه بالحرمه ايدها وفيها مناكير

وكل ايام الدوره -وانتو بكرامه- احط كل يوم لون لكن بالايام العاديه صرت اجيب هذول الستكرات

مو الاظافر التركيب لاااا ستكر طويله تقصين منها على حجم اصبعك واشيل واحط عادي

مايبقى صمغ ولا يخرب اظافري ومتى مابغيت شلتهم وارجعهم عاادي

شعر جسمي ليزر وارتحت ، شعري اذا زوجي طلع برا البيت احط زيت او حنى اكثر شي احط زيت حنى احط مرتين او ثلاث بالشهر

جسمي يوميا اذا تحممت اتصنفر بزيت وسكر واحيانا اضيف لهم شوفان وليمون نعووومه رهيييبه

اما اللبس اشكل فيه احيانا قصير واحيانا طويل ومرات البس جلابيات مرات تنوره طويله معاها بدي مافي نوع من الملابس مو عندي وابدل واركب واشكل

مكياج مثل ماقلت ماعمري احط بالبيت او برا الا نادر ولا انا ولا زوجي نحب المكياج اصلا بس احط قلوس حتى مسكرا ما احط مو معقوله كل يوم بحط مسكرا وكحل وخرابيط بيخرب وجهي

حواجبك انتي سويها مو معقوله كل اسبوع بتروحين للصالون انا اسوي حواجبي بالبيت

وعشان الملاحظه انا ماسوي شي عشان افيدك هو طبعه كذا بس يمكن لاني امدحه يبادلني هالشي جربي مع زوجك وشوفي انا ماعمره لبس شي الا امدحه وامدح ريحته واحيانا اقول له اقرا على نفسك لما اقول لخواتي يقولون ياغبيه كذا يشوف نفسه عليك بالعكس والله صار يمدحني ويغازلني على الطالعه والنازله واكثر مما امدحه جربي وشوفي

وان شاء الله ماكون نسيت شي ،، اهم حاجه اهتمي لنفسك ودلعي جسمك انتي بنفسك ترتاحين ونفسيتك تتغير ماتشوفين كيف اذا تضبطتي ورحتي مكان او عزومه وراضيه على فستانك ومكياجك كيف النفسيه

نفس الشي مع الاهتمام تزيد ثقتك ، ولا تستصعبين الاهتمام بيصير شي روتيني بس بالبدايه لانك مو متعوده