السلام عليكم أخواتي العزيزات
يا حريمنا السنعات خاصه اللي ازواجهم يتهاونون بالصلاة ويأخرونها..بالله عليكم ما تنفر نفوسكم منهم ولوكانوا أطيب مخلوقات بالكون؟؟
بنات انا خايفه كل يووم احس نفسي تنفر أكثر واكثر من زوجي حتى انه بدا يلاحظ بس ساكت يعتقد بسبب شي ثاني
زوجي ولله الحمد طيب حنون يحاول نشر السعاده ونغير جو دايم بينا ما شاء الله
مشكلتي معاه تهاونه بالصلاة
سبق ان نزلت موضوع لي اشتكي فيه من عدم قيامي لصلاة الفجر في وقتها واني تركت قيام الليل والقرآن نادر ماأقرأه هذا غير حال زوجي
الحمدلله والله البنات مااقصروا ابد وشجعوني وحسيت نفسي ارتحت مرررة مع القرآن والصلاة ولازلت أجااهد نفسي الله يهدينا يا ربي وأتشوووق مرة للصلاة لماتجيني العادة
مشكلتي يا بنات اني كل يوم أنفر من زوجي اكثر عن اليوم الثاني
والله اني صايرة ماأطيق اسمع صوته:icon33:
قلبي يعورني عليه والله مو هاااين علي ابد بس اهو يقهررني ويذبحني الف مرة بتصرفاته
مع انه دوم يتكلم بالدين والثقه بالله والتوكل عليه ووساوس الشيطان الخ بصراحه تنبهرين من كلامه
بس لا جينا عند الصلاة تطيح كل المجاديف!!!!!!!!
المشكله مو يتهاون بالصلاة وبس
احسها مو مهمه عنده مرة اقصد اوقاتها يعني مايحاول يسعى بانه يصلي الفرض في وقته
الفجر بنقول نومه ثقيل طيب واوقات يكون صاحي؟؟!! والله اجيه او اكون قاعده جنبه ومنشغل باشيا عاااديه اقوله صلاه يا فلان
يقول طيب او يحرك راسه وعاادي تمر نص ساعه ساعه عقبها يرووح
طيب صلاة المغرب راح تفوووت وغيرها
بس لا حياة لمن تنادي
سبق أني كتبته رسالة مصارحه عن حالتنا انا وياه من ناحية واجباتنا اتجاه ربي والله كانت رساله كلها حب وحنان وترغيب جا وباسني على راسي وبس ماعلق ولاحسيت حتى انه تأثر منها بتطبيقه
اهو دوامه شفتات ولما يكلمني بالموبايل احس شي ضاغط علي ماالي خااطر أكلمه ابد وحتى لمايكون معاي
وكل وقت صلاة اشوفه قاعد مايستعجل بالصلاة او حتى ما يحاول او لما أنبهه أو اخته ويحاول يصرف الموضوع ويقول الحين بس بخلص اللي بيدي
طيب لييييييييييييييييييييييييش ليييييييييييييييييييييييييش يا زوجي ليييييييييش
والله كل ماساوا كذا أني احس اني اموووت الف مرة وحسرات بقلبيييي
يعني مثلا انا صحيح كنت مااحافظ على الفجر بوقتها بس كنت احاااااااول وباقي الصلوات بوقتهم تمام ولله الحمد يعني الواحد يسعى للخير دامه فيه خير وزوجي فيه خير متأكده وهذا هو من تزوجته ماتغير واذا صلى بسررعه ماأحس فيها خشوع ابد ابد
الحين سؤالي للي عانت نفس وضعي وكانت حالتها النفسيه زففت من ناحية زوجها وش سوت؟؟وكيف تعاملت مع المشكله؟؟
بنات والله اني راحمه زوجي من نفسي الشينه هالأيام خاصه بس خلاص وصلت مرحله مااقدر اتحمله!!
والله اني اموت فيه بس لماتجي سالفة الصلاة اتجنن واحس نفسي موطايقته:(
بنات وش اسوي معاه وكيف اتعامل معاه وماأحسسه بانه شي مضايقني والله اخاف اقصر بحقه بس شسوي ونفسيتي تعبااانه منه ؟؟كاسر قلبي بانه يحاول يغير نفسيتي بس مو قادره اصارحه
لاني سبق صارحته مرتين مو مرة ولاحياة لمن تنادي
دايم والله كل ماادعيلي بالهدايه ادعيله معااي على طول
الله يهديني ويهديه يااااا قادر يا كريم
الحريم السنعات اللي ازواجهم يتهاونون بالصلاة..بالله عليكم ما تنفر نفوسكم منهم ولوكانو
31
2K
يلزم عليك تسجيل الدخول أولًا لكتابة تعليق.
اسمعي حبيبتي عندي لك فكره حاولي تشترين اشرطه دينيه عن الصلاه ونوعي في المشاييخ وادا ركبتو اليساره وخصوصا ادا كان خط طويل شغلي الشريط وهوا اكيد حيسمع معاكي ويتاثر هدا بشر بس لاتحسسينه ان الشريط له كانه لك علشان تستفيدين وادا ماكنتي صاحبه مشاوير طويله بالسياره حاولي تاخدون لفه طويله بالسياره للتمشيه حتى يمديه يسمع الشريطوانتي بنفسك اشتري الشريط او خلي احد يشتريه لكي من غير مايعرف حتي يكون مفاجاة ويتقبله وخدي اشرطه لمشاييخ اسلوبهم حلو لو مافاد خدي لمشاييخ اسلوبهم في تخوييف واقناع ادا ماتعرفين اسالي هنا البنات مايقصرون عن احلى المحاضرات عن الصلاه ولا تنسين تدعين له بالهدايه الله يهديه ويهدي زوجي وازواج المسلمين
انا اشوف اللي يصلي وفي قلبه على الاقل ذره خوف من ربنا ارحم من اللي مايصلي نهائيا
احمدي ربك وخليك شوي شوي وراه وبالدعاء ان شاء الله يصلح الحال
احمدي ربك وخليك شوي شوي وراه وبالدعاء ان شاء الله يصلح الحال
الصفحة الأخيرة
مدام فيه خير صدقيني ان شاء الله بيتاثر تراها مره مؤثره
او سمعيه محاظرة عبد المحسن الاحمد قصص لا انساءها واسئل الله أن يهديه يارب ويجعل هدايته على يدك