امي الله يحفظها ويشافيها ويشافي جميع مرضى المسلمين كانت دائما تكلمني عن جدتي ام ابوي الله يرحمها ويسكنها الفردوس الأعلى وانها كانت تحبني وفيها حنية عليّ وما ترضى حد يزعلني او يبكيني وامي قالت انو جدتي كانت تطلب الصبح منها انو اذا صحيت من نومي تخليني امر من المكان يلي هي جالسة فية عشان تقولي هلا بالحلو يلي صحى من بدري انا ما اذكر شي لاني كنت صغيرة بس هذا كلام امي وبابا ايضا قالي انها كانت دائما توصية وتقولة ما ارضى اي واحد فيكم يزعلها من اي شي ويقول لي انتِ وصية امي الله يرحمها
الله يرحمك يا جدة ويغفر لك ويسكنك اعلى الجنان
وأسأل الله العظيم رب العرش العظيم ان يحنن قلوب الاجداد على احفادهم كلهم

مو كلهم جدتي تموووت فاحفادها البنات
حتى كلنا يالبنات اذا رحنا لها تخلينا ننام عندها الله يعطيها طوله العمر
وامي وابوي مايفرقون بين البنت والولد
كبرت وانا احسب الكل كذا
لين كبرت وعرفت ان فيه ناس الولد عندها معظم والبنت ولاشي
هذا تخلف ونتيجة تعامل اهلهم انا احس هذا التفكير يتوارثونه من اهلهم زي ماقلتي

عقليات مريضه طنشيهم وماعليك منهم
اهم شي طيبين وبعافيتهم

مافي عندنا كذا عاد ابوي يحب البنات اكثر الله يحفظه...

اختي عندها ولدين متزوجين وتموت في بناتهم أكثر من أولادهم.
أمي ربي يحفظها تحب عيالنا كلهم لكن تعامل البنات معامله خاصه ترحمهم أكثر .
لاتعممون.