أندريفنا :

موضوع مرة حلو..عانيت منه سنوات طويلة..مرة يكونون عيالي غلطانين..ومرة يكونون مظلومين..وفي الحالتين للأسف تصير مشاكل ويغطلون الكبار على عيالي..إذا كان غلط غير مباشر أمسك نفسي بس إذا كان عيني عينك..وقامت واحدة وحطت راسها براس ولدي وقفتها عند حدها بكلمتين:هذولا أطفال..وزي ما أنتي ما تبغين أحد يتكلم على ولدك..فأنا بعد ما أسمح لحد يغلط على ولدي..بيتصالحون واحنا يا الكبار ناخذ الشرهة.. تزعل مني أم الولد..بس بعدها أتعامل معها وكان شي ما صار..لأن الحق حق..إذا احنا لازم نعيش سوا..فلازم نحترم بعض.. كان هذا زمان..الحين تغير الوضع..ودرست الموضوع صح..واستشرت أخصائيات..وتوصلت للحلول التالية: إذا ولدي غلط على الولد الثاني..في حضور أمه..أخانق ولدي قدام أم الولد عشان تبرد حرتها..وما تكره ولدي..وتوذيه.. إذا ولدي أحد أخطأ عليه خطأ بين..أخليه يعلم أم الولد..إذا ما تصرفت وخانقت ولدها أخانقه بنفسي قدامها..وأقول عيب أنتم اخوان.. إذا أخذ ولدي لعبة الثاني وزعل الثاني..أرجع اللعبة له لأنه حقته..وفي المقابل..إذا أخذ الثاني لعبة ولدي وزعل ولدي أرجعها لولدي وأنا أقول بكل هدوء..سواء كانت أمه موجودة أو غايبة:"زي ما أنا رجعت لك لعبتك لأنها لك..راح أرجع لعبة فلان له لأنها له..وإذا حابين تلعبون سوا..فلازم تتشاركون" إذا دخلنا على مضاربة حامية بينهم..على طول أفصل بينهم قبل أي أم ثانية..وأخلي كل واحد منهم يقول اللي في خاطره من غير ما أحكم عليهم..وأقول لهم..يا الله كل واحد يروح يلعب لحاله لحد ما تهدون..وهم تلقائيا راح ينسون الموضوع ويرجعون أصحاب.. إذا مصخوها..وباقي يتضاربون..أفصل بينهم مرة ثانية وأحرم ولدي من اللعب معهم..وفي نفس الوقت أقول للولد الثاني بهدوء:ما عاد تلعب مع ولدي لأنكم مو شطار..وتظل العقوبة لعدة أيام..كلما شفتهم سوا فصلتهم عن بعض.. طبعا كل هذا أسويه من غير ما أرفع صوتي والا أرمي الكلام على الأولاد أو الأمهات.. والحمد لله..صاروا الأمهات يعرفون أني مستحيل أقبل الغلط على عيالي ولا أقبله على عيالهم.. طبعا في فترات تتأزم المسألة ويقومون الأطفال ويسوون أحزاب..وقتها كل حزب يسوي لي قلة حيا على كيف الكيف..مضاربات..تخريب..مكايدات..مقالب..وهات يا وجع راس..وقتها أجمعهم..ويجي زوجي ويتكلم معهم كلهم..ويهددهم بالحرمان من بعض إذا تكررت هذي التصرفات مرة ثانية..بس بدون ما يغلط على واحد دون الثاني..كلهم سوا..وزي بعض.. أما مسألة أننا نروح ونقول للأم ولدك غلط..والا ولدك سوا..أبدا..لأن ما فيه أم ترضى احد يقول كذا.. هذا غير أني أحرص على أني أهديهم الهدايا والألعاب والحلويات..وأسوي لهم حفلات..عشان يفرحون..وعشان يعرفون الأمهات أني ما أكره عيالهم..وأننا كلنا أهل..ولازم نحب بعض..ونفهم بعض.. أما اللي ما تنفع معها كل المحاولات..وتظل على حالها من سوء الأدب وطولة اللسان على عيالي..فعلى طول أسوي لها حذف من قائمة تفكيري..وأمنع أولادي من مخالطة أولادها حتى ولو بكوا بدل الدموع دم..ويا دار ما دخلك شر.. طولت عليكم..بس شكرا لكل هذي المساحة..

موضوع مرة حلو..عانيت منه سنوات طويلة..مرة يكونون عيالي غلطانين..ومرة يكونون مظلومين..وفي الحالتين...

ام كيوي :

لاوالله وقفيها عند حدها حرام اذا مادفعتي عن ولدك قدام الناس اللي ضربته قدامهم بينكسر وينحرج واذا دافعتي عنه يحس بالامان والانتصار دافعي عن ولدك لاتسكتيلها قوليلها يدك لاتمدينها جعلها للكسرمنتي ولية أمره واذا غلط ولدي انا اتفاهم معاه عيالي ماأضربهم ع شان مايتعقدون تجين انتي وتضربينه=<<عشت الدور الله يعينك وانا اختك

لاوالله وقفيها عند حدها حرام اذا مادفعتي عن ولدك قدام الناس اللي ضربته قدامهم بينكسر وينحرج واذا...