بريق الماسه :

عمرك ثلاثين وكبيره؟؟؟ انا دخلت الستين وعليهم شهور والله العظيم واحس اني صغيره . يومني اصغر منك والغيره تلعب باعصابي وصحتي ونفسيتي لعب ماتهنيت بزواج ولا بعيال كنت عايشه بنار داخلي اتخيل واصدق خيالي واحرق صحتي وهي ولا على بالها مرتااااحه ووالله يابنات لو تشوفون شكلها تحمدون ربكم على شكلكم هي مانسميها بشعه هي فووق مستوى البشاعه وشايله اللوز وصوتها مخيف لكن بذكاء اشتغلت على السوالف ، تجيب لام زوجي علوم وحكي وتجلس معها وبعدها تقوم وتنظر لي نظرة استهزاء اني ماعرف مثلها كنت اصغر منها وبحكم جايه من بيئة سجن فماعندي خبرتها حتى ماعرف اتكلم ودوم خايفه ، ومرت السنين وكبروا لعيال وندمت اشد الندم ، ليه ؟؟؟ لان صحتي راحت جاتني الغده الدرقيه وجسمي نشف وزني كان تحت الخمسين كنت آكل بعمري اكل حاطتها بتفكيري ليه هي احسن مني ليه زوجي واخوه معجبين بشخصيتها ليه امهم تحبها وماتحبني وليه وليه وليه لين راح عمري وماتهنيت لا بصحه ولا بزوج ولا بعيال عايشه دور الضحيه ، والزوج الي افنيت عمري عليه بالغيره ؟؟؟ ولااااااجا في باله ثواني العذاب الي انا فيه النتيجه ؟؟؟ محتفظ بصحته وعبادته وراحته النفسيه وعلاقاته الاجتماعيه. نصيحتي ياحبيبتي قبل يروح عمرك بالهم: استمتعي بكل يوم من ايامك لا تحبين زوجك اكثر منك ! اي حبي نفسك والرجال من خلال خبرتي ينجذب للحرمه الذكيه راعية التدبير ماهو للشكل صدقيني وان عجبه شكلها لسببين تسليه وعلشان يقهرك ويحرق دمك لا تعيشين حياتك تحللين رغباته بتتعبين . بعدك بأول العمر اهتمي بحالك لنفسك ماهو له ، دربي حالك بالاستمتاع بوقتك لإنك تستحقين ، طلعي زوجك من تفكيرك ووش يحب ووش يكره بالطقاق وترى الرجال ذكي بيحس مع الوقت انك مهتمه فقط بنفسك بيحترمك غصبن عنه وانتي بتكسبي صحتك ونفسك انا عرفت هالشي على كبر وبديت فيه وفعلًا متعه تبعدين الزوج عن تفكيرك وتحطي نفسك ، جربي لان هالخطوه تبي تدريب ، كل وحده تغار هالغيره المرضيه على زوجها تكون لاغيه نفسها وهالشي الله يعاقب عليه لان النفس اهم من الزوج ، وتصدقين انك اذا الغيتيه او ماهمك وش يحب ووش يكره بتحسين حمل كبيييير انزاح عن كتفك انا كنت حتى ماقدر اشتغل بالبيت احس اني عجووووز وانا بالعشرين لان الهم شايلته معي واليوم بعد ماعرفت وانا بهالعمر اقدر اشتغل بالبيت وارتب وامسح واغسل  عرفت السر متأخر ، الهم ثقيييل مدري انا كثرت حكي شنطتي جدامي مالبقت اغراضي الليله مسافره ولما قريت موضوعك سبت اغراضي وجلست اكتب ، رجعتيني اربعين سنه ورى نصيحه حبيباتي اذا حبيتوا نفسكم وخليتوها رقم واحد مابيهمكم التالي ان كان اعجب بغيركم ولا قارن ولا قال لانك ملتهيه بنفسك وبس

عمرك ثلاثين وكبيره؟؟؟ انا دخلت الستين وعليهم شهور والله العظيم واحس اني صغيره . يومني اصغر منك...