الحريم النص عقل وازواجهم

السلام عليكم ورحمة الله

شدني موضوع لبعض الاخوات تتكلم فيه عن الحريم في الاسواق وعداوتهم لبعض
وقلت جات وجابها الله خلني افضفض انا شوية يمكن فيه احد يفهم او يستوعب

انا زوجة رجل اعمال و
بحكم عمل زوجي واسفاره اضطر في كثير من الاحيان للذهاب للسوق لحالي مع بناتي الكبار او مع الاطفال

المشكله انه لما اصادف حرمه مع زوجها واشوفهم مثل الكتاكيت واجلس ادعي في قلبي ان الله يوفقهم ويسعدهم
ويبعد عنهم بنات الحرام الاقي الحرمة تخز فيني خز وشويه وتقوم بطقني
ليش لاني مريت قدامهم او لاني كنت جالسه بنفس المقهي اللي هما متواجدين فيه
بسم الله الرحمن الرحيم
والله اني مش من النوع اللي يحرج الناس بالنظرات او المراقبه ومع ذلك احصل نظرات الحقد والعداوة من نساء كثير اصادفهم
ليش ياجماعه ليش هالكره كلنا مسلمين
عبايتي عاديه واقل من العاديه ومافيها حركات وخرابيط
صحيح ان طولي وجسمي حلو بس ربي خالقني كذا واغلبهم ازواجهم محترمين ومايطالعون او شكله الرجال خايف من اللي جنبه الله اعلم

بس ليه ياحريم تسوون هالحركات والنظرات والله عيب
اذا الغيره عندك كبيره لهدرجة تعالي لحالك السوق وخلي زوجك في بيته معزز مكرم السوق للحريم قبل الرجال
بس الكل محاسب امام الله عن افعاله وكلنا مسلمين واخوات في الله هدي اللعب شوي
يكفي اني جايه للسوق لحالي :unsure:

الدنيا فانيه بلاش هالحركات النص كم بينا يابنات جنس حواء
من جد هالظاهره زايده بطريقه عجيبه
الناس اول اكثر بساطه ومخها ابيض وقلبها خضر

اما بعض الحريم يالبيه من جد ياحظ زوجها فيها
وتلاقينها حشمه وذوق وحتي عيونها ماتشوفينها بس ادب واخلاق وعقل ربي يهنيها ويبعد عنها بنات الحرام


موضوعي للنصيحه فقط وليس للمجادله وجزاكن الله خيرا