الحريم الي تشتكي من زوجها تعالي.

السلام عليكم
كيفكم بنات. حابه احكي لكم قصتي يستفيدوا البعض. لاني دايم اقرا عن الي يشتكون من ازواجهم. ترا قصتي طويله الي بتقراها تجيب قهوه وتقعد تقرا ههههههه😅
.........
بسم الله نبدأ.
انا كنت متزوجه واحد قعدت معاه ٩ سنوات طبعا ماحصل حمل وكنت ساعتها ابكي واتعالج ويقولون كل شي سليم. زوجي كان عنده ضعف حركه. والحمدلله اني ماحملت منه. ((عسى ان تكرهوا شيئا وهو خير لكم)). طبعا انا طلبت الطلاق منه برغم اني كنت احبه وكان اصعب شي مر علي في حياتي. وماطلبت الطلاق علشان الخلفه لا والله مانا انانيه.
طلبت الطلاق لان كانت المسؤوليه عليه انا اشتغل وهو قاعد واصرف على البيت واقوم بشغل البيت واطبخ وهو ولا متحمل شي. حتى لما امرض اروح اعالج نفسي يعني اهماااال. بس كان طبعه هادي بخليني اروح وين ما ابغى اسافر مع اهلي. وكان طيب للامانه. وطبعه سلس ودايم يستشيرني في اي موضوع يمشي بعد كلامي. كمان اهله كانوا يحبوني كثير.
المهم تعبت من اهماله كل مره اعطيه فرصه يتعدل ماتعدل.
فكرت اتطلق بالذات انو ماعندي اطفال يربطوني والعمر بيجري. لو تطلقت وانا كبيره ماعد احد بياخذني.
المهم تطلقنا بهدوء وتفاهم برغم انه كان يبكي مايبغى يطلق وانا كنت ابكي لاني احبه وعشره ٩سنين ماهي بسيطه. بس يابنات دايما للصبر حدود.
.......... الجزء الثاني من حياتي...
بعد ماتطلقت اتقدموا لي ناس وكان ضمنهم واحد عازب وشغله كويس ومحترم من نفس عملي. وضعت شروط صعبه شوي قلت دامهم ٣ متقدمين اتدلع شوي يكفي تعبت مع الاول بتصير محسوبه زواجه ثانيه. ووافقوا على شروطي واخترت العازب لاني ما ابغى متزوج مشاكل وكذا...
طبعا اهلي كانوا رافضين لانو عندنا لازم نتزوج من نفس القبيله. حاول مع اهلي وانا حاولت والحمدلله تزوجنا وقاطعوني نص الاهل وقالوا لي لو صار لك شي والله ماتلومي الا نفسك...
مر اول شهر من زواجنا حسيت ذا الانسان ملاك مافيه ولا شي سلبي يدلعني ويطبخ لي هو ويشتري كل شي بنفسي ويطلعني وكلام حلو ووووووو.... وللمعلوميه انا بعيده عن اهلي وهو كمان وفي نفس الوقت متزاعل مع اهله توفوا الوالد والوالده باقي اخوانه مابينهم كلام.
بعد الشهر مدري ايش جرا له تغير تغير جذري. بدأ يظهر طباعه الحقيقيه.
اتخيلوا منعني اتعرف علي صاحبات وجيران. يسافر كثير وممنوع اطلع من البيت واقعد لحالي. يعصب بدون شي لوحد ضايقه يعصب علي دايما يجيب حرته فيني. يعصب ويطردني ويذلني. ملابس لازم يشتري على ذوقه عطور مكياج كل شي ذوقه. يرقدني بالغصب متى مايبغى. واكل بالغصب ولو شبعانه المهم كان يتسلط في كل شي ويعصب ولما اتصله مايرد كذا مزاج برغم مابيننا شي. بس يحب استفزازي وبس. ودايم يعيب في شكلي ويقول شوفي ذي الحرمه في التلفزيون تجنن حلوه. انتي وانتي برغم اني الحمدلله شكلي حلو. ودايما يغار مني لاني ذكيه ويقعد يحبطني.
اتخيلوا واحنا قاعدين ونسولف عن شي واعطيه معلومه عن ذا الشي يغرق ويعصب علي. ماكنت افهم ليش ولا اعرف سبب المعامله ذي. ولما يجي من السفر اقله طلعني شوي طفشانه يقول بطلع لحالي ماني فاضي لك ويروح البحر ويصور لي من هناك يستفزني بس. ولما يجي من السفر اضمه اشتقت له اتخيلوا يدفني ومابيننا شي والله. وحتى لما انام نفس الشي. كنت اقول فيه حاله نفسيه لازم اصبر. او انه يحب غيري وماقدر يتزوجها. وابكي ليل ونهار ولا اقدر اشتكي لاهلي ولا يحس اصلا بغلطه شايف نفسه كثييير. اكيد بتقولوا الغلط في معاملتي او اني اضايقه لا والله انه بدون سبب. كنت فقط اعاتبه واقوله خلنا نتناقش بهدوء انا عاقله الحمدلله وزواجي الاول علمني دروس كثيره. مره ماقدرت امسك نفسي عصبت وكنت ابكي وقام اشتكى لاهلي بنتكم لسانها طويل. اتخيلوا لما اهلك يقلوا لك عيب وانتي وانتي. ولاتقدري تقولين هو وهو علشان مايقلوا انتي الي وافقتي حذرناكي. صرت اخاف حتى اعاتبه.وقررت اني خلاص هذي زواجه ثانيه وهذا نصيبي ولازم احاول افهم طبعه وافهم غموضه واحاول اغير من اسلوبي ومن طبعي. ولو زعلني ابقى مبتسمه ولو تغزل بحريم ابتسم ولو قلي بتزوج واحده حلوه وكيت وكيت اقله الله يسعدك وانا مبتسمه بدون عتاب او ابين اني زعلت. اذا شي ضايقني ادخل غرفه ابكي وادعي ربي وبس. ولا اقوله طلعني معك ويستفزني يقول بروح البحر واتفرج الحريم برغم انه محترم فعلا يطقطق بلسانه بس يستفزني. واقوم اسويله ثلاجه شاي وقهوه واقله ذي علشان تنبسط في البحر. وهو يجن جنونه. يحاول يستفزني بطرق واشياء اكثر واكثر وانا بارررررده قدامه بس. اما من داخلي احترق. يقلي بتزوج واحده ثانيه واخليك فوق في غرفه الشغاله وبالمره تساعدي زوجتي الثانيه لاتتعب قلتله ابشر الي يرضيك المهم تكون مبسوط. هو كان يتمادى اكثر لانه عارف اني مابشتكي لاهلي واني خايفه منهم. ماسكني من اليد الي تعورني . تخيلوا سنه كامله ولا كلمه حب الا في شهر العسل اقسم بالله كنت دايم اقوله قلي احبك ولو مجامله. وكانت كلها استفزااااز. كمان يدخل كل غرفه في البيت يدور بس غبار في درايش او طاولات علشان يلقى حجه يعاتب مايلقى كنت الحمدلله كل اسبوع اخلي البيت جديييد وطبخي انوع كل يوم اكله من النت. واهتم بملابسه واسوي له تدليك ومساج. يعني مافي شي الا وسويته لاجل يتغير.
وفوق ذا اهله مايعرفوني ولا يبغاني اتعرف عليهم ولاهم عارفين من الي تزوجها.
طولت عليكم ادري 😁.
............
بعد محاولاته الكثير في استفزازي وشاف ماعاد اعاتب ولا ابكي ولا انتظر كلام حب او اعتذار وكل شي اقوله طيب ابشر تغير تدريجيا...
بدأ يكلمني عن اهله كان غامض مادري شي عنه وان سالته يقول مالك دخل
بدأ يطلعني كل شوي. بدأ يجي من السفر ويضمني صار اذا زعلني يعتذر ويجيب هدايا. صح للأن مايقول انا حلوه ودايم يقول انا غبيه. ولا يقول كلام حلو. بس فهمت انه يقول كذا علشان ماشوف نفسي عليه. وكمان افعاله كلها صارت تدل انه يحبني كثير تعدل بنسبه ٧٠ ٪
طبعا هدفي من سرد قصتي انو مافي شي اسمه الطبع مايتغير. الا يتغير اذا غيرتي اسلوبك ولو اسلوبك مافيه غلط حاولي تضغطي على نفسك. لولا اني كنت خايفه من اهلي ماكان صبرت عليه وتطلقت. يمكن ضغوطات العمل تاثر عليه يمكن علاقته باهله.
الشي الثاني مو لازم نركز على السلبيات. لازم نرضى فيها لان محد مكتمل. انا لما تعدل زوجي في حاجات رضيت الحمدلله صح اتمني اسمع كلام حب. بس رضيت انو اشوفه كفعل مو كلام.صحيح لازال يحاول يعصبني بس صار يعتذر. صحيح للان ماخلاني اتعرف على صاحبات بس صار يقعد معي واذا طلع يطلعني يعني الحمدلله في فرق. اعطي لنفسك سنه كامله تفهمي زوجك ومع الوقت بتتاقلموا وتتكيفوا مع بعض.