يا هلا وسهلا فيكم أخواتي
موضوعي للنقاش الهادف نبي نتناقش ونعرف متى تنتهي الخلافات بين الحريم
ومتى بيفهمن بعض ومتى بيقدرن بعض ومتى بيحل السلام بينهن ؟!! :icon19:
دايم نسمع مقولة الحريم مالهن حل .. المرأه عدوة المرأه ليه هالشئ صار واااااضح
وإنتشر بمجتمعنا ؟!!!!!
بذكر عينات من الحريم وكيف يمارسن طقوسهن الغريبه مع بعض ولا يمشن نهاااائي
على مبدأ إلي ماترضاه على نفسك لاترضاه ع الأخرين ولا يعترفون فيه بعض الحريم
هداااااااهن الله .......
النموذج الأول : أم الزوج وخواته تحصلون بعضهن تتمادى بتنكيدها على زوجة ولدها وأخوها
وتتعمد إهانتها والتدخل بخصوصيتها وتتضايق لما ولدها أو أخوها يتعامل مع زوجته
معامله طيبه ويونسها ويسعدها وبس من يتزوج أخوهم عينهم عليه وتحت المجهر هو وزوجته ويبدأ تصيد الزلات وسوء الظن .... الزوجه تكون طيبه ومعاملتهم معامله راقيه لكن مايتقبلون منها شئ نهااااائي وخلاص حاطينها بالقائمه السوداء وتبدأ الحيل والخطط لقهرها يقومون يمدحون بغيرها من سلايفها ويطلعونهم للسماء رغم تعامل السلايف لهم بمعامله سيئه بس لإغاضة هالزوجه المخلصه لهم <<<< لاتقولون أبالغ ياما سمعنا وشفنا مثل هالأساليب .....!!!!
طيب أم الزوج وخواته هل يرضون على أنفسهم إنه أحد يعاملهم بهالطريقه ؟!!!!!
أم الزوج ترضى بناتها يتعاملن كذا من قبل أهل أزواجهن ؟!!!!
خوات الزوج لو حصلت هالمعامله من خوات زوجها بترضاها ؟!!!!!!
طيب ليه ما يتم العمل على أساس إلي ماترضونه لأنفسكم لاترضونه للأخرين !!
ليه مايتم العمل على أساس إلي تحبه لنفسك حبه للأخرين !!!!!
نفس الشئ زوجة الولد يرزقها الله بأهل زوج وخوات زوج عسل وأخلاق وتاركينها فحالها وتحصلونها تتمادى بكرهها لهم وتعمد الرسميه معهم وتحاول بشتى الطرررق تمنع ولدهم منهم هل هالزوجه بترضى على أهلها يتعاملون بهالشكل من قبل زوجة أخوها ؟!!!!!
ترضى إنه زوجة أخوها تمنعه منهم وتشوف نفسها عليهم ؟!!!!
نفس كلامي قبل ليه إلي ماترضاه على نفسها ماترضاه ع الأخرين ؟!!
النساء بمكان العمل تحصلون المديره متعسفه جدااااا وتتعمد إهانت الموظفات وتحملهم فوق طاقتهم ومافيه مررررررونه بتعاملها معهم ولا يمكن تحس فيهم وبظروفهم وجالسه لهم الند للند !!!!
هل ترضاها لو كانت موظفه إنه مديرتها تتعامل معها بهالطريقه وماتكون مرنه معها ؟!! طيب إلي ماترضاه على نفسها المفروض ماترضاه ع الأخرين !!!
هذي بعض النماذج المنتشره بمجتمعنا والنماذج كثيررررره لو بعدد ماراح أخلص
لو كل وحده تعمل بالمبدأ إلي ذكرته سابقا صدقووووني بيحل السلام والحب
وصفاء النفوس والخير بين معشر النساء وماراح نعترف بمقولة المرأه عدوة المرأه
وراح نستبدلها بمقولة المرأه عون للمرأه << هالمقوله أنا إخترعتها :icon19:
من جد يا أخوات ليه مو كل وحده فينا تحاسب نفسها قبل أن تحاسب من إلي
ماتنام عينه والله الحياااااه قصيرررررره يا جماعه وماتستاهل نضيع ثانيه منها
بإشعال المشاكل والحزازيات بينا لو كل وحده بلشت بعمرها ودعت الخلق للخالق
كان حنا بخيررررر ...... صعبه الشغله هذي لهدرجه ؟!! ولا حنا مصعبينها ؟!!
المايك لكم بإنتظار مناقشتكم الراقيه والحلوه مثلكم وهذي لكم :26:
اما من ذكرتي في موضوعك فهؤلاْ تتعامل بطريقة انا ومن بعدي الطوفان .وتكيل بمكيالين ......