الحريم موافقات والرجال للحين ما خطبوا خطوبه رسمية ؟؟وش معناها

السلام عليكم
كيف حالكم عساكم بخير
خواتي مالي غير الله ثم انتم
حاولت اسجل بالمنتدى مارضى اتصلت على صاحبتي
فطلبتها معرفها بعالم حواء لاني كنت عضوة فيه لكن نسيت
كل شي وذاكرتي من الي فيها ما تحفظ شي كل شي دليت اول باول
جزاها الله خير والله يوفقها ويسعدها يارب


مالكم بالطويله

جونا خطاب الاسبوع الي فات يوم الخميس مانعرفهم بس يقولون انهم يعرفون امي وابوي الله يرحمهم
وخواني وانهم تعبوا لحد ما استدلوا وين نقلنا عن بيتنا القديم

فكلموا اختي الكبيرة واطلبوني بالاسم "نبي فلانه" وقتها كنت نايمه المهم اصروا يشوفوني
صحتني اختي قالت فيه ناس يبون يشوفونك
"ظروف اخت الولد ماتسمح لها تجي باي وقت لانها ساكنه خارج المنطقة"
طبعا هو مثلي يتيم الام والاب الي جات اخته بعمر اختي الكبيرة

لبست ودخلت ماجلست استأذنت وطلعت

راحوا واتصلت اخت الولد ثاني يوم كان الجمعه وقالت البنت اعجبتنا "لكن الولد قالي خليها تستخير لاتستعجل واظلمها وهو بعد بيستخير"

وكلمت اخته اختي عن الشوفه طالبها اخوها
قالت اختي "ماعندنا مانع وحنا بعد نبيها تشوفه" لكن الاصول لازم تصير الشوفه بعد الخطوبخ الرسمية من الرجال ونسأل عن ولدكم ونرد عليكم يعني قبل لانملك يشوفها اذا فيه قبول من الطرفين نتوكل على الله ونملك

وافقت اخته على كلام اختي

الحين لهم اكثر من اسبوع لا اتصال ولاجوالرجال ولا شي؟؟

هل شي عادي ولا صرفوا نظر عن الموضوع
كلام اخته فيه شي يدل على ان الولد ممكن يتراجع؟؟


صراحه محتاره الله يوفقكم بس قولوا لي عادي التأخير ولا فيه شي

جزاكم الله خواتي لاتنسوني من دعائكم