يسلم هالتفكير .. صدقتي وكنك تقرين افكاري

لا وملاحظه نقطه ترفع الضغط ... لجت الزوجه تشتكي من ام الزوج سواء باهانه قويه ( مااتكلم عن صغار الامور ) او تفلت بوجها ( تكرمون) او طردتها ... او تدخلت بحياتها ... تجيك النصايح ( تحملي واضغطي علي نفسك .. او اعتبريها زي امك) يعني بالمختصر امسحي كرامتك وامشي !!!!!!!!!!!!!!!! ماقلنا شيء لها احترامها لاكن لي احترامي وكرامتي ولاني ملزومه ببرها حتي ادوس علي نفسي..دام اني محترمه نفسي ولا اغلط ماني جاريه عندها ولاجايه من بيت ابوي حتي انهان

لاكن لو تجيك وحده قالت امي رمت كلمه علي زوجي ( لنفرض انها بسيطه) تجيك القنابل ( يااختي امك غلطانه مهما كان الرجال له احترامه ... ولاهو ملزوم فيها يزورها ... ياا اختي حاولي تراضينه ... اللي سار موشيويه ( كارثه يعني ) ياا اختي حولي تزورينها من غيره ( خايفين علي شعور شسي السيد ) مستحييييييييييل يقولوا مره كببيره مثل امه خليه يفوتها

مشكورين حبايب عالردود
بنحف باذن الله صح كلامك الطلاق الحل الوحيد لكثير مشاكل من البنات بس انا هنا مااقصد صيري قويه واطلقي اول مايزعلك لا
واغلب البيوت لمن يزوجوا بناتهم خلاص مايتوقعوا بناتهم يرجعولهم ويزعلوا لو رجعت لهم بنتهم واطلقت
ولو عندها ملايين وقصر يستقبلها بس عندها اولاد راح تبيع هذا كلو وتصبر عالوحش الكاسر عشان تكون مع اودلاها
انا اقصد في شماكل عاديه بين الزوج وزوجته مو المشاكل اللي توصل للخيانه والطلاق زي الامثله اليل ضربتها يعني نوع من المشاكل تستمر الحياه بعده بس موقف المراه في دي المواقف يحدد كيف راح يصير زوجها معاها وهل حيتكرر الموقف ولا لا
يعني يسافر وتسوي له ليله حمرا؟؟
اكيد راح يسافر كل شهر عشان المكافاه الحلوه ومالقي وحده تحس على دمها وتزعل منه حيشيل هم مين ويسوي حساب لمين؟
غير هذي المشاكل
انا اتكلم عن السلبيه في بدايه الزوواج برضو هذي تحدد كيف راح يكون تعامل زوجك معاكي
واهم نقطه في موضوعي تعاملنا احنا مع بعض كحريم في حريم وتحسيسنا للحرمه اللي تغلط عالرجال انها ارتكبت جريمه لاتغتفر

الريم صح كلامك نقرا كثير عن رجال يسبوا اهل زوجاتهم ويلعنوهم لعنه والبنت تسكت
بس جربي قولي همسه عن امه استعدي لكف يسبب لوجهك شلل نصفي ولا عاد تقدري تتكلمي بعدها
انا عندي مبدا كلو الا الاهل واعتبر سكوت الزوجه على سب زوجها لاهلها من العقوق بصراحه
ربوني وصرفوا عليا وسوولي شبكه ودفعولي مبالغ بالهبل عشان يزفوني لك ويزوجوني لك عشان تجي تسبهم
ودايما اقول لزوجي الزوج يجي بداله والزوجه بدالها اربعه بس الام وحده والاب واحد
بس مااكون باقوله هوا على اهلي اقوله هذا الكلام على اساس انه امك اهم مني بس منها برضو ادقه في الكلام ان انت ممكن يجي غيرك بس امي وابويا لا
واقله الزوج وزوجته اللي بينهم ورقه ممكن من بعدها يصيروا اغراب ومحرمين على بعض بس صله الدم والامومه مهما صار ماتتغير ولاتنقطع

اليوم المراة شيء ثاني مو زي زمان بس لو تعرف تستغل حقوقها صح والله الرجل يخاف ويضرب لها مليون حساب لانها موبحاجة له والدولة تعطيها ضمان انا ديم اقول لزوجي اذا ما تبغي تصرف علي الدولة تصرف علي و**** يخاف وزمان يقول تموتين جوع وترجعين عندى

صح ام نفال
بصراحه انا اتمنى كل وحده حتى لو اتزوجت تتمسك في شهادتها وانها تحصل على شهاده
صحيح الوظايف مو متوفره ولاشي بس عالاقل مايقدر يهددها ولو هددها تعرف ترد عليه وتقوله شهادتي عندي مااحتاجك لو بعتني
مجرد تحسيس بعدم الحاجه وعدم الضعف
عموما انا دحين طالعه وفي الليل ارجع للموضوع بس اتمنى ماالاقي هجوم ويستمر النقاش والحوار الراقي