الحريم وسالفة العين والسحر

السلام عليكم ورحمة الله



ما اعرف كيف ابدا الموضوع بس ابغي اوصل لكم الفكره

االخلاصه ان مب كل شي يحصل لنا من ابتلاءات او مصائب نعلقها بالعين والسحر

نعم العين حق و السحر موجود

بس الاساس ان الابتلاءات ا كلها فيها تكفير للذنوبنا نحن الي نذنب ليل ونهار بقصد او بدون قصد


يعني ابي اوضح لكم ان مب كل ما مرينا بمشكله نعلقها بعين فلانه وعلانه ولا فلانه ساحرتني صدقوني كلللللله بسبب ذنوبنا


انا وحده متاخره بازواج انا عمري اكثر عن 35 دائما لمن احد يقولي ان يمكن فيكي عين وما ادرين ايش حتى مره كنت حلمانه حلم و فسرته عند وحده اول مره افسره عند مراه على طووووووووووول قالت لي فيك عين وانا عارفه تفسيره ما يخصه بالعين وانا عندي خبره بتفسير الاحلام تقريبا

بس انا عندي يقين ان ابتلائي بذنب مني عسى الله يغفر لي وحتى لو كان عين فهو بذنب مني فليش اكره فلانه وعلانه واتهمهم بالعين

عمري ما افكرت ولا اعلق مشاكلي بالعين والسحر و اقول قدرة ربي فوق كل شي وانا صحيح اني ادعي واستغفر و اكثر من الخير بس لو كان سحر او حسد فقدرة ربي تفوق كل قدره

لو سحرة العالم كلهم تجمعو ان يمنعوني الزواج ما راح يقدرو لو ان الله كتب لي ورزقني والعكس صحيح





وانا كتبت الحين لكم هالكلام من كثر ما اشوف بالمنتديات وخااااااااصه الحريم كل مشكله صغيره ولا كبيره تعلقه بالعين والسحر فلانه ساحرتني وفلانه عاينتني كله عين فلانه وعلانه كله الناس بتحسدني


انا عارفه ان كلامي هذا ما راح يعجب كثييييييييير من الحريم

لان الحرييييييم بس متعلقين بالعين و السحر
انزين راجعي نفسك يمكن عندك ذنب تونبي منه استغفري



شي ثاني بعد بغيت اخبركم به توني اشوف برنامج تفسير احلام بقناة الوطن ما اذكر اسم المفسر والله توه حرمه متصله تقول الحلم وانا متاكده حلما ما له علاقه بالعين وان الحلم فيه وحده من قرايبها على طووووووووووول قالها هاي تغار منك وحاسدتك ولازم تاخذين من اثرها انزين لييييييش القطيعه بين الناس وحتى المراه تمت مستغربه تمت تقول معقوله ما ادري ما اظن يعني

والله ان مثل المفسر وسيم يوسف لو وحده تتصل له تقوله حلمت بفلانه و باشياء مب زينه يقولها ستغفري ربك هذا الحلم من الشيطان يبغي يوقع بينكم العداوه والبغضاء
اما هذا المفسر الله يهديه بس كله يفسر جاك حسد من فلانه وسحر من علانه لازم تتحذرين منها لاااااااااازم تاخذين من اثرها

الله يصلح الحال وعسى القى منكم التعليق المناسب
وسامحوني