الحريم يخافون على اطفالهم مني

السلام عليكم اخواتي بقولكم سالفتي انا تزوجت لمده اربع سنين ولا حملت اكلت حبوب ابر كل شيي سويته ويوم حللت عند الدكتوره راما الحيز طلع العيب مني وفرصه الحمل ضعيييفه عندي بس فيه امل بنسبه ١٨٪‏ اني احمل جلست سنتين على العلاجات الطبيه والشعبيه وحتى الشيوخ قرو علي ولا نفع هددني زوجي انه باخذ علي ثانيه وانا ما رضيت مو انانيه بس ما احب اتعامل مع حرمه ثانيه بزوجي فطلبت الطلاق وفعلا طلقني كانها يستنيها من الله جلست عند اهلي اربع شهور وتقدم لي واحد وفعلا وافقت وجلست معاه سنتين وانفصلت بسبب الاطفال مره ثانيه بس ما خيرني انه يتزوج لا على طول جاء وطلقني بدون ولا كلللمه ....مشكلتي اني اتشفقق على الاطفال جداا ولما اروح جمعه فيها اطفال اجلس العب معهم ولا اسولف مع الحريم احبهم اخمخمهم وابوسهم مع الايام صارو الحريم يبعدون اطفاهلم عني واذا اخذت واحد من الاطفال تجي امه وتشلعه من يدي ولما اجي ما يتكلون عن الاطفال ابد حتى نفاسهم ما يعزموني يخافون اني احسدهم وانا انكسررت مرره ابيلهم كل الخير ايش الحل يا بنات والله اكتب لكم ودموعي على خدي