الحزام الناري والغاليه

حبيبتي اسئل الله ان يشفي امك ويخليها لكم يارب..انا بصراحه ماعرف عنه شي بس قريت رد لاكثر من اخت صابها الحزام الناري وتشافت منه بفتره بسيطه ..بحطه لك ردودهم واقريها وطمني الوالده وانصحك تسوين بحث بقوقل عن المرض وعلاجه..
********************************************************************************************
والله امره سهل وبسيط بس انا اول شي ظرب العوار بريلي ماقدر احركها اللي شالوني للرازي وعطوني ابرتين مسكن الم وقالولي العضله شاده بس بعدها باسبوع بدت الاثار تطلع بالفخذ ورحت لفهد العثمان الله يرحمه وقالي صار معاج العوار ورحتي الطبيب ماعرفولج صح قلتله عليك نور قالي يابنتي هذا حزام ناري وامره بسيط لاتخافين بس والله ناسيه الكريمات اهما كانو كريمين اخلطهم مع بعض مرتين باليوم مع الشامبو اخففه بماي دافي واغسله قبل الكريمات
بس والله ناسيه الكريما بس جنه واحد منهم مكتوب عليه هربز او شي انتي روحي للطبيب لاتخلين عشان الاثر مايعلم عالجلد وروحي بوحمره مثل ماقالت دارين او الجريوي اثق فيه الجريوي وشاطر وعسا الله يشفيج ان شاءالله

لا عادي لا تخافين ولا شي انا صار فيني بايدي اليسار علي ظهري وصدري من الصوب نفسه وبالبدايه احس مثل الشد العضلي وبعدها طلع النفر وتحححححرق صج حزام ناري مثل النار .. والحمدلله عالجت مستشفى حكومي اسبوع ولاراح كل شي بس بقى الاثر .
حبيبتي لاتخافين مو خطر انا ولدي عمره سنه ونص صار فيه وديته طبيب جلديه وعطاه كريمات ومضاد لمدة اسبوع وخف بسرعه باسبوع راح
لاتحاتين بس اهم شي تنتظمين بالعلاج
الله يهون و يبرد عليج عمرى
صار بخدامتنا بس تري يعادي ديري بالج و هو يروح بس روحى حق خاص او دقى عليهم قوليلهم شخصولى هالمرض و عطونى هذا و هذا فى شيء ثاني اشتريه و لا لا يعنى لرحتى لهم اخذى دواج معاج عرفتى لانج بديتي بمضاد مو زين اتوقفينه خلى الطبيبي يكمل على اللى عندج و عسى ربي يشافيج باقرب وقت و ادعى ربج حبيبتي و اقرى قران ماكو احسن من القران حق النفسية
______________________________
لا تحاتين ترى الحزام الناري ما يطول بس لازم تروحين للطبيب وتاخذين كريم اللي يحطونه للعنقز وحطيه على الحبوب اللي طالعتلج في بطنج وظهرج علشان يخفف العوار ويبرد الحراره ويخفف الحكه وما تشوفين شر
انا قبل فتره طلع لي بس عاد طلع على خدي صار مثل قرصه وماهتميت لها وبعدين كل مالها وتكبر وتمشي بخط مستقيييم وصج كاان يحكني حيييييل

بعدين رحت مستشفى دار الشفا الجلدية عندهم ممتازه

عطتني مرهم والله ماذكر شنو اسمه ومن احطه تبي الحكه يحكني وعطتني جم موعد بعدين عطتني كرتزون

والحين الحمدلله راح والحين بالشمس مرات يكون له اثر احمرار شوي ويرد يروح مكانه بالضبط وعلى نفس شكله

بس الحمدلله راح

وسهالات لا تخافين ماكو شي يخوف

بس انتي لا تحاتينه ترى اهو نفسية كل قعدتي تحاتين يزيييد انا الكل قالي لا تهتمين فيه وصج لما نسيته يالله راحالسلام عليكم ورحمة الله وبركاته
هذي اول مشاركة لي في المنتدى وقريت موضوعج حبيت افيدج يااختي لاني مريت بهاي المرحله بس الحمد الله الذي شافاني
المهم بقلج سالفي معاه بعد ماتميت فتره اقرى سورة البقره لان فيا عين قويه المهم قلت ليش مااتغسل بماي مقراي قيه المهم اول شئ يبتلي زيت زيتون وقريت فيه البقره وثاني يوم يبتلي ماي وقريت عليه البقره قمت كل ليله اغسل جسمي بالماي المقراي فيه وعقب احط زيت زيتون في كل جسمي كل مناطق المهم بعد يومين تقريبا حسيت بمكان في جسمي وواايد في حكه تقريبا عدال الجبد رحت عند الدكتوره قالتي هذا الحزام الناري صرااحه كنت اول مره اسمع فيه عطتني دوااء كريم وحبوب المهم تميت استخدم الكريم بس اما الحبوب مااستخدمتها لاني مااحب الحبوب المهم مافاد معاي الدواء ذكرت انه هذا ماطلعلى إلا عقب ماكنت اغسل جسمي بالماي المقراي فيه قلت عيل فيه العلاج ان شاء الله صرت وغسلت مكان الحبوب بماي المقراي فيه وعقب عندي عسل اصلى كنت حاطنه في الثلاجه فكان وووايد بارد خذت منه وحطيته على الحبوب ونمت على ظهري وقمت اقرى عليه تريبا عشر دقايق عقب امسح اشوي من العسل عشان مايوسخني بس اخلى على الحبوب شئ منه عقب اييب الزيت زيتون واحط عليه فوق العسل والله العظيم ماكملت يومين الا وهو مستوي يابس ويتقشر في ادي والحبوب خازت بس مكانها بعده احمر لانه بعديني استخدم العلاج اللي قتلج اياه هاي الحالة كملت معاي توها من خمس تيام من كمن يوم طلعلي بس ....
نسيت اقلج لاتنسين اقري البقره كل اليوم وتستغفرين وااايد مب بس 100 لاا اكثر واايد وصلاه على الرسول صلى الله علية وسلم وقول لاحول ولا قوة إلا بالله واااايد ولاإله إلا الله واااايد
________________________________________
شوفي انا حاشني,,, والحمدالله بفضل الله ثم الطبيب تشافيت منه

الله يسلمج هاذا الحجي من زمان قمت من النوم ميته بجي حكه ابطني وما اقدر اجيسه احس نار نااار:eh_s(16):... وامي عبالها ابالغ وحاقرتني

اهئ اهئ... وبجي طول اليوم مارحت الطبيب ولا شي !! يدوب دهنتني اب مادري شنو وقرت علي ... بعدين من كثر ما ماقدرت اتحمل

على طووووول طرنا :RoadRunner:ورحنا حق الدكتور يوسف مال الله .. الله يذكره بالخير .... واول شي قالي ياه

مشالله علي بنتج من الصبح ومتحمله وتوج اتيبينها :tongue22: !!!!!!! بغيت ابجي جدامه بس لحد الحين ماسكه روحي خخخخ

جان يقولي هاذا يسمونه الحزام الناري ومادر شخربط فوق راسي وعطاني كريم دهان وما اذكر اذا عطاني دوا ولا لأ

وظلل معاي تقريبا اسبوع وتالي الحمدالله راح وماكو ولا أثر ولا شييييييييي الحمدالله
*******************************************************************
نقلت لك هالردود من موضوع فيمنتدى ثاني اتمنى انه فادك..وياليت الوالده تدعي لي بالذريه الصالحه..
وان شاء الله ماتشوف شر

الله يوفقك يارب ويرزقك باالذريه الصالحه
وابشري باالدعاء

الله يشفيه ويخليه لكم ويصرف عنه وعن جميع مرضي المسلمين

اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها

الله يشفيه ويعافيه وكل مسلم اميييين