حبيبتي هموسة البنت هذي ماعندها اي حس بالمسؤليه والاحترام للذات وغير المفروض انها تحمد ربها انها مانفضحت واهلها كانوا معاها طيبين لانهم ماحرموها الدراسة ولا سلسلوها في البيت ومنعوها من الخرجة من البيت ابدا انا سمعت عن اشياء زي كده كتير وغالبا اهل البنت بيمنعوها من اشياء كتيرة ويحرموه من اشياء اكتر واكتر كان المفروض انها تلجأ لله اولا ثم تلاقيلها صديقة اخلاقها عالية او مدرسة تثق فيها المهم وحدة عاقلة وتخاف الله في كل صغيرة وكبيرة وغير كده كان المفروض منها انها تبتعد عن اقاربها اللي مشيهم بطال انا ماقلت تقطع صلة الرحم لانه حرام بس تكون رسمي معاهم وما تدخل فيهم اكتر من اللازم
والبنت هذي لازم تقطع علاقتها بالولد هذا لانه اذا كان يحبها من حقيقي ازم يجي من الباب مو من الشباك زي الحرامي وحبيبتي هذا لو لو لو تزوجها عمره ماراح يوثق فيها وحياتهم راح تكون كلها جحيم في جحيم وراح يقول لنفسه البنت اللي تخون اهلها وتخون ثقتهم فيها بكرة راح تخونني انا كمان مو غريبة عليها الحكايه يعني
والافضل لها انها تتوب لرب العامين وتحاول تصلح نفسها ونفسيتها وترى البنت مننا ماعندها الا سمعتها وان راحت سمعتها صارت كانها عارية امام الناس
والله يحمي الجميع من زلات النفس
سلملم