"الحساسيه اتعبتني😭من كل شى😔"

صباااااح/مسااااء الووووورد. بناااااات انا تعبت ونفسيتي مره زفت كله من الحساسيه اتحسس من صبغات الشعر وتشقير وصبغ الحواجب النقش. بقووووًولكم كيف جتني الحساسيه.انا قبل اصبغ واشقر انقش عااااااادي ماتحسست بس لما جبت بنتي ورحت لعزيمه عند اهل زوجي قالت لي حماتي ماشاءالله حواجبك روعه.مادري عاد من عينها ولا لا(ادري بتقوولون كل شى تخلنه يالحريم عين)الزبده...مرت فتره وصارت ملكة اخوي وطبعا تسعنت للملكه ومن القرادهـ صبغت حواجبي وليتني ماصبغت تبهدلت بهدله الله العالم فيني بيوم الملكه حسيت بنتافخ فيهن وعيوني شوي صغرن وكل من شافني لاحظ.وخلصت الملكه وجيت للبيت وماذقت النووووم جتني حكه فضيعه بحواجبي واحك وعلى نفس الرسمه منتفخات وينزل منهن صديد ودم وعيوني انتفخن من فوق ومن تحت صارن عيوني خط اسود وشكلي يخوف كل ذا بسبة الحواجب وطبعا مانمت من الوجع والحكه ومن صحى زوجي رحت للمستشفى قال الدكتور خلاص جتك حساسيه من الصبغات كيف وشلون مدري!واعطوني ابرة كرتزون ومرهم احطه ع حواجبي المقرودات😭 والحمدلله يوم عن يوم بدت الحكه والانتفاخ بدى يروووح. المهم!!!!!!مرت فتره قلت يمكن الحساسيه راحت عني(مدري اني خلاص انقردت😢) ماصبغت حواجبي ورحت بليلة العيد واه ليتني مارحت شقرت وصبغت ورجعت البهدله نفس اول>الم حكه انتفاخ والنوم ماذوقه ويتصلخن ع نفس رسمة الحاجب.وزوجي بهدلني يقول خلاص دامك عارفه نفسك تحسسي ليش تسوين ..قلت مدري فكرت انهن مايتحسسن لاني فتره ماقربت لهن .عاد رحت لدكتور خاص شاااطر وقال خلاص انتبهي تقربين لحواجبك لان عيونك راح تتاثر ويمكن تنعمين ..عاد وقتها اقتنعت وماقربت لحواجبي خير شر .وبعدين صبغت شعري فكرت اني مايصير فيني شى طلع نفسي الحكايه حكه جنونيه .وهونت عن صبغه شعري...جا زواج اختي ونقشت نقشه حلوه بس اه بعد الحلا ووولع.وهي الله يسامحها اقولها انا حساسه قلت هاذا دوج اسود قالت ايه وهي طلعت حاطه صبغة شوارب حسبي الله بس...ماتهنيت بالعرس يدي انتفخت وعلى نفس الرسمه صارت حمراء.وحكه ومن رجعت للبيت رحت للمستشفى واخذت ابرة كرتزون وارتحت عليها ونمت والله يابنات تعبت من البكاء من الم الحساسيه. ابي صبغ وانقش بدون ماخاف وانا وحده اهتم بنفسي واسفه ان كلامي طويل بس قلت بقولكم كيف المعاناه😔😔😔اللي انا فيها...وتمنى منكم الررد❤️


👑ذٓسَ اٰزً عَــــنًـــزٓيٰــهـَّ💄