الحسد بين الزوجين

هل الحسد يفرق بين الزوجين حسد او نفس وايش هي العلامات اللي تكون بينهم ويتفرقوا انا تطلقت وكلهم يقولوا حسد وخاصتا اهله وابي علامات الحسد بين الزوجين ابقولكم الاعراض او العلامات اللي لاحظتها بيننا :


1- نفور من الزوج مثلا لما يقولي تعالي بنجلس مع بعض اقوله طيب بس ابجيبلي حاجه واجيك دقايق بس الا هو يقول انا بطلع مشوار واجيك بعد نص ساعه وتصير 5 ساعات .
ولما يكون في البيت ما يتقرب مني يعني يشغل نفسه بأي شيء تلفزيون يلعب بالجوال يقعد عاليتويوب ولما اجلس عنده كمان نفس الشيء ما يطالع فيني احسه مشغول عني يشغل نفسه بأي شيء ما كاني معه ولما اشوفه جالس اقول في نفسي فرصه ابروح اسويقهوه نسولف شوي واروح اسوي ولما اجهزها يشرب فنجان بسرعه وبسرعه ويخرج
واحيانا لما اضحك من نفسي يعني اتذكر حاجه موقف واضحك يقولي ليش تضحكين ايش اللي ضحكك ويسألني الين ما اجاوب وانا الموقف احيانا ما اقدر اقوله يخص خواتي او شيء ومر في بالي
وغالبا اغلب وقته برا البيت ما يجي بس الا للنوم واذا جاء يشغل نفسه عني
2- يجرحني بكلام يرميه علي بين فتره وفتره
3- مهملني احيانا ما يجيب لي اكل واقعد اجوع ومالقالي اكل واذا قلتله بنروح نقضي يقول بكره بكره ومايحب يطلعني ولايمشيني
4- ما صار بيننا شيء مثل الازواج الطبيعين على اننا نحاول بس ما صار شيء
5-اخر شيء انهى حياتنا بالطلاق ومرات يقول ماارتحتلها ومرات يقول طلقتها بدري عشان ماابي اجيب منها عيال اطلقها ذحين احسن ومرات يقول فيها وفيها وفيها وصار اشياء من بعد الطلاق من كرهه لاهلي واهله


ملاحظه / هو اخذني عن حب وقناعه وبإختياره ويبيني من زمان ويعرفني وزواجي ما طول اصلا كم شهر
فهل هذي اللاشياء اللي كتبتها تثبت انه في حسد ع حسب كلام اهله بانه مو طبيعي وانه محسود