هلا اختي مزاجيه

بالنسبة لخبر الشهاده الجامعية اول مره اسمع به واتوقع انه غير صحيح لأنه لو كذا بيكون ظلم لمن درس وجد واجتهد حتى حصل على البكالوريوس بينما بالمقابل يحصل عليها الآخر بمجرد اكتساب خبرات

واذا على سنوات الخبره فأنا اشوف انها بالعكس ماضاعت ادراج الرياح لا للي معها الثانوي والا الجامعية يكفي انها تحتسب بعلاوات الراتب والترقيه والترسيم لمن هم على نظام التعاقد



عزيزتي قبل كل شئ الوظيفه هي رزق من رب العباد يكتبها لمن يشاء مهما بلغت درجته العلميه , واذا على سالفة ان خريجات الثانويه والمعاهد تهضم حقوقهن فبقولك حاجتين :
1- اذا قصدك حقها بالحصول على وظيفه فهالشئ ينطبق حتى على الجامعيات ( لي 9 سنوات متخرجه وبدون عمل !! )
2- واذا قصدك درجات الترقيه وشروط تقديم الوظايف فأتوقع انه شئ طبيعي تختلف المؤهلات المطلوبه لكل وظيفه
وزي مافيه فرق بين الثانوي والباكالوريس , يوجد فرق بين البكالوريس والماستر والدكتوراه ( ولكل مقام مقال )
وليس من المعقول ان تساوى كل المؤهلات ببعض

والبنالت اللي مالحقوا على الجامعات فهم ماشاء الله لحقوا على الوظايف في وقتها واللحين بشهادة متوسط وراتبها يفوق أعلا الدرجات

والخبره هي سلوك مكتسب يحصل عليه الشخص من عمل يمارسه ايً كان نوع هذا العمل سواء بالمجال العلمي او بمجالات الحياة , قد تعطي الشخص تميزا ونجاحا بعمله ولكن لا تعطيه الحق بالحصول على ما هو أعلا من مؤهلا ته العلميه ( مع اني ارى كثير من مدراء المدارس بشهادت بسيطه نظراً لقدم خبرتهم في العمل )



هنا لدي العديد من المآخذ
اولاً : وبكل بساطه اقولك انها ( الواسطه )!!!!
ثانياً : اكثر مايضايقني هو تهميش المسئولين لمهنة الارشاد التربوي , بدليل انهم يوظفون اي معلمه كمرشده ( بغض النظر عن مستواها العلمي ) انا تخصصي ( خدمة اجتماعيه ) واعلم جيداً ما تعنيه كلمة ( مرشده ) فهي اسس وقواعد تدرس وتدريب على تعبئة السجلات بأنواعها والتعامل مع الحالات فلماذا تعين معلمه بتخصص ( علوم ’ لغه عربيه ’... ) مكان المرشده , لماذا ندرس ونتخرج هل هو لزيادة عدد فقط !!!


واخيرا اسأله تعالى ان يرزقنا واياك وكل مسلم من واسع فضله

مشكورة أختي بسسس موقصدي العلاوات لا قصدي مثلا معلمة خريجة ثانوية ولها بااع طويل بمجال التدريس يمنعوهاا من الأدارة أو الأشراف بحجة أنو مستواها بسييط فتكون رئيستها بالعمل مالها ألا سنتين مثلا الأترين أن هذا من الظلم ؟؟
وبالنسبة للمجهوود والتعب في المذاكرة فأيام زمااان ماكان فييه ألا الثانوية ومعاهد المعلمات فكانوا لما يتخرجوا يوظفوهم علطووول عشان يسدوا الحاجة وماكان فيييه كليات أبدا في أغلب مناطق المملكة !فالمفروض أنه موذنبهم أنه مافيييه جامعات أيامهم والله لو فييه جامعات كانوا درسووها وتعبوا وأجتهدوا والله أعرف كثيير كانت طموحهم الجامعات بسسس عدم وجود جامعات في مناطقهم منعهم وحاال دون حلمهم!!
وحتىاللحين فيييه كثيير معاهم ثانوية ومعهد معلمات وودهم يكملوا عشان هذي المشكلة بسسس فيييه اللي يوقف بطريقهم تعرفي أيشششش؟كل الجامعات المرموقة ماتقبلهم وحتى الدراسة بالأنتساب والتعلم عن بعد ما يقبلون ألا اللي متخرجة قريب من الثانوية والمعهد مغلى تماما من القبول !!!
ماأدري ليششش؟ والله كثيير يشتكون حتى أنه وحدة تقولي يوم رفضوها جامعة الأمام أيش أسوي أرجع أدرس الثانوية من جديد عشان يقبلوني ؟؟
الله يكون بعون الجميع وأتمنى من خريجات الثانوية ومعاهد المعلمات يكتبوا معاناتهم هنا
يالله يابنات تفاعلوا معانا

كلامك صحيح اختي فيما لو طبقتاه على الوقت الحاضر , لكن اللي لحقوا على الوظايف قديما اخذوا حقوقهم وزيادة بدليل موظفات اعرفهم معهم معاهد اعداد المعلمات وماسكين مناصب اداريه بالمدارس وبإدارة التوجيه



وبالنسبه للي وده يكمل وعنده القدره الماليه يسجل بالجامعات الخاصه ويدرس على حسابه لأن بوقتنا الحاضر الواسطات صارا تلعب دور كبير بتسيير حياتنا , والضعوف اللي مثلنا مالهم إلا رب العالمين ينصرهم ويرزقهم

حتى الآن تلقين الجامعيات مالين البيوت بينما اللي واسطتها قويه تتخرج من الثانوي وتتربع على عرش الوظيفه !!


والله يوفقنا وياك عزيزتي

رفع

رفع