الحظ نايم !!!

الحظ نايم




ألا يا من شقاة اللي تولع في غلاة إنسان
عزيز وعشق وأنفاسٍ تقول النفس مغرورة





أنا ياللي هويت البعد ترى من غيبتك تعبان
تعال انشد عن أحوالي بقايا روح مكسورة





تصور من طريت البعد وأنا خالي من الوجدان
كأن اللي جرى فيني هدوءٍ يسبق الثورة





جلست شوي مع حالي أبي استوعب اللي كان
لقيت اللي حصل منك .. عليه النفس مجبورة





لعنت الحظ يوم إني عرفتك تاهت الأزمان
ليه الحظ ما يساعد .. ترى هالروح مأسورة





سهرت فـ ليلة ظلما أدور عن صدى خلان
لقيت الكل متجمع .. فـ بالي غايمه الصورة





أنا يا حظ ما أبغى سوى انك تقوم أحيان
تعبني نومك الدايم .. كفايه منك مقهورة





كفايه اللي جرى فيني .. وش اللي باقيٍ ماكان
تغيب الشمس في وجهي .. وليلٍ يسهر حضوره





ويوم النفس بك طابت وقالت غايبٍ نسيان
رجعت تفتح جروحٍ على هالوجه مطموره





لعبت بدنيتي علّي أوازي كفة الميـــزان
معَ لعب ومعَ جد ومعَ خيبات منثوره





أنت أسمى هوى قلبي ... أميرٍ عالي بالشان
سراجٍ منور الدنيا .. سموٍ صافي لـ نوره





أسيرٍ في قفص صدرك .. غريبة كنت أنا السجّان !؟
غريب كيف قلب يحب أسيرٍ ساجن طيوره .!؟





يتيم الفرحه ياقلبي .. ولا ترضى تشوف إحسان
تعودني أمد الكف .. وترد أحيان مكسوره ...





كتبت الشعر من دمي على نزف الشعور أحيان
وعلى خيبة أمل تبكي ... على هالعين مذعورة .!





جمعتك صافي المعنى .. نثرتك أسفل البركان
وعلى كسر الضلوع تقول : زمانك طاغيٍ جوره





ترى عادي أنا عايش ولاّ ميتٍ سيـــــــــــّــــــان
مدامك غايبٍ عني وش اللي يجلب سروره .!؟





وش اللي بس يجبرني ألوّن حبة الرمّـــــــان
وحبر( بلاك ) يكسيها وأنا ألوّاني محصورة ..





بحفظ الله يامبعد .. بغني لك مع الأشجان .
وبسهر لو طلوع الشمس يصاحب غيبة حضوره .!





وبذكر كل كلماتك : أنا ماني ترى غلطان ...
صحيح الحلم حذرني ... وكنت بطيش مغموره ..





وأبرسلك تحياتي .. مع ورد وزهر ريحان
وعطرٍ ساكن بقلبي .. عليه الروح مشكوره ..











منقوووووووووووووووووووووووووووول ....
اختكم / سلوة الروح