:(مالي حظ بشي كلش لابصداقات/زواج/علاقات اجتماعية/حب :( قضى شبابي بوحدة :(
في المتوسطة: بروحي أمشي في الفرصة, ما اييوني البنات الا لمصلحة (أساعدهم في واجب, اجابة سؤال..ويروحون على طول)
في البيت: خوات ما عندي, والوالدة مسكينة تلحق على شنو والا شنو’ وهم مو نظامها تصادق بنتها والفجوة بينا كبيرة.يعني ما كو أجواء فرفشة طرطشة بس ****الله انتم خواتي وبافضفض لكم.:26:
مرت الأخو: طرت فيها طيران,قلت هذي أختي وبأسعى جهدي لكسبها من البداية : هدية زواج راقية و باهظة الثمن, و لأنها تحب المطاعم قعدت شهر أعشيها يوميا على حسابي ومرات حتى الريوق لي اشتهت تطلب, أصعدلها يوميا سوالف و ضحك,و جذي سويت ورحت هالمكان, اشتريت كذا واذا سألت عن شي ما خشيت عنها حتى الأسعار أقولها المقابل: ما تواطني, غيرة عمياء, ما تحب لي الخير, لدرجة يوم قصيت الليسن راحت تبجي لأهلها!!!! والله ان أخوي مو مخليها بعازت سيارة على طول طلعات مجمعات, و مطاعم الديرة كلها فرتها و سينمات وتروح أماكن أنا ما روح لها مع ذلك أنا ما زعلت ولا شكيت ولا حسدتها, ومن حسدها لي ما توجبني بمناسباتي مع أني أوجبها ,رسمية معانا حييييل, اهي حاطة مسبقا في بالها وراسمة حدود العلاقة(بس خالاتها وبنات خالاتها) علما بأن أبوي خالها يعني مو غرب بس يكرهونا لأن أمنا غريبة( عايلتنا جذي نظامهم الغريبة لو شنو تسوي ما تنحب) سيئة حتى مع الوالدة و ما تنزل, حياة فندقية لها الطلعة الوناسة بس و أمي تجابل عيالها (هذا غيض من فيض وما أقدر أتوسع لأني ما راح أخلص).
في الثانوي: زميلة يت تطلب صداقتي وتقول شدتها أخلاقي و اني متفوقة,تصادقنا آخر سنة في الثانوية انتقلت مدرسة ثانية اجباري( الصديقة الوحيدة لي مع ان والله الكل حولي يثني علي وانا هادية وما اضايق أحد,شعاري "عامل الناس كما تحب ان يعاملوك" بنينا آمال ندش الجامعة سوا بس ماالله قسم و دخلتها بروحي.
الجامعة: بنات مايعات,روحهم بالهياته و الخرابيط فكرهم سطحي ما يعجبوني , وين اللي تجمع العلم والخلق؟ ماابي وحدة تلهيني عن دراستي, وللأسف ما لقيت ضالتي (سنة أولى قضيتها وحيدة) بعدين بالجامعة أحزاب: السفور مع السفور,النقاب مع النقاب, عباية الراس مع عباية الراس,بدل وميك اب مع بدل وميك اب, أهل المدارس الاجنبية مع بعض, واللي بس عباية وبدون مكياج ضايعة بالطوشة ( بعدين اهما عندهم احنا مو ستايل فما يتنازلون يمشون معانا عشتوا) سنة ثانية لقيت وحدة مؤدبة ونفس ستايلي تصادقنا.
سنة ثالثة:دشوا بنتين عالخط لان رفيجتي تعرفت عليهم وبحكم انهم يقعدون معانا في الكافتيريا أضطر أجاملهم وسالفة مني وسالفة منهم لين صارت صداقة( اهم ملتزمين بس مع الوقت اكتشفت فيهم أطباع تضايقني:ما كو أدب حوار, دفاشة في الكلام تجرحج واهي لو تقولين لها نفس الكلمة تمد بوزها شهرين و آنا أطوف و أواسي نفسي بقول الشاعر:اذا كنت في كل الأمور معاتبا صديقك لم تلق الذي لا تعاتبه
اذا أنت لم تشرب مرارا على القذى ظمئت و أي الناس تصفو مشاربه؟ اول وحدة تعرفت عليها حبوبة بس ما تايقني بس مشكلتها كلش ما كو تواصل, لا تفقدني, لا اتصال, ما تدق الا اذا تبي شي (يتعلق بالدراسة ).حاليا كلهم قاطعين بالمرة فقلت ليش أقط نفسي عليهم؟ ماني داقة مو كل مرة آنا اللي اتصل و أسأل علما بأنهم قاعدين لي الحين بدون وظايف (سنة من التخرج وجم شهر) يعني فاضين وبعدين اللي يبي يواصل ما يرده شي شدعوة لو بمسج!!!
نرجع حق رفيجتي من ايام الثانوية والموقف اللي صدمني:طول فترة دراستي الجامعية ما قطعت عنها أتصل أسأل بس عرفت ان صاير لها شي خلاها تنحبس وينمنع عنها التليفون ولي يومكم مو راضية تقوللي شنو, تزوجت ومر سنتين نتواصل بالتيليفون (الوالد ما عنده سالفة اني أزور صديقاتي فبيوتهم (اول الحين شوي تفتح) المهم عزمتها عندي في البيت) الحين اهي توها طالعة من الاربعين الصدمة انها مرتين تصرفني تصريفة بايخة عشان ما أزورها: الأولى قتلها بازورج(اليوم العاشر من النفاس) قالت عداتنا يخلون الوحدة ترتاح 10 ايام بعدين يجونها, وترى لي الحين ما جاني من قرايبنا أحد اللهم حماتي بطت جبدي جايتني و انا بالمستشفى!!!! (وطبعا اللبيب بالاشارة يفهم!!!) في اليوم ال30 دزيت مسج س 12 الظهر: عقب صلاة العشا بكون عندج ونطرت ردها, طبعا انا من ليلتها وانا خابة عمري و أزهب اللبس و شالبس؟ وشاحط؟ مهتمة حدي وفرحانة لها وقبلها باسبوع مزهبة هديتها مع هدية البيبي بس رحت حزتها أييب الحلو,أنطر, و أنطر, ماردت علي قلت يمكن ما شافت المسج, اتصلت وما ردت كانت س 4ونص العصر قلت يمكن نايمة؟؟؟ عالمغرب حنت علي و ردت بمسج: توني داشة السوق وما أدري متى بارجع وانا أقرى اتصلت تعيد نفس الكلام والصوت في ضحكة وبكل برود تقول خليها يوم ثاني!!!!!:angry2: واهي تدري جيتي صعبة لأن لازم آخذ موعد مع أخوي قبلها عشان التزاماته, وبعدين السوق مو طاير,آنا دازة المسج من الساعة 12الظهر وهي لما كلمتني المغرب تقول توها داشة السوق!!!!! يعني شايفة المسج اوذا افترضنا انها اضطرت على روحة السوق والا بالهاليوم تقول السوق راح يسكر من ثاني يوم!!! من ال5 لي 8 مايمديها تتسوق؟؟؟!!! خو آنا ما راح أنام عندها بأوجب وأمشي. وطبعا بعد هالتصريفتين لغيت الروحة بالمرة وهي ولا دقت. حظي مع بنات عماتي: أقشر كلش, بينهم وبين بعض اسرار ومغامرات ومساسر, و آنا يعزلوني عنهم ويعاملوني كأني غريبة بس اقعد يمهم يسكتون, صخة ولي قمت يصير ضحك وسوالف مع اني والله منطلعت علدنيا وربي امشي واسولف ومو كتومة اللي بقلبي على لساني وما اخش عنهم شي أبد بس يوم شفتهم متمادين في هالشي رغم اني صارحت وحدة فيهم ان هالشي يضايقني واهي وصلت الحجي بس لاحظتهم زادوا يعني السالفة بالعناد فقمت أعاملهم بنفس معاملتهم وخليت العلاقة سطحية. لا و أي خطبة تصير تنخش عني وعن امي بس أما الباجي يدرون كلهم وليش ؟؟؟ خايفين أحسد بناتهم!!!! عسى ما شر يعني ؟؟؟؟!!!!أحد قالهم اني عانس ؟ توني في عز شبابي و أول حياتي , عبالهم مثل بناتهم ما يصدقون يروحون طايرين قبل حتى لا ياخذون ثانوية عامة!!! يعني المهتمة في دراستها وظيفتها ومستقبلها صارت اهي الغلط!!! اهي الشاذة عن الخليقة!!!!!
آآآآآآخ الناس غيروا المسميات (المؤدبة = معقدة\ الطيبة= ضعيفة و ساذجة\ الرزينة = ثقيلة طينة\ المحتشمة = مو كوول ومو ستايل \ المثقفة =فيلسوفة :( انزين آنا شفيني مالي حظ مع الناس, لا القريب ولا البعيد :06: ليش محد يرغب بصداقتي ؟؟؟؟ مع اني حنونة وقلبي طيب وكريمة واللي مينني : في بنات مو اجتماعيين و جعووووص ما يندون ولا يوجبون لا و بعد نفسياتهم بخشومهم و الناس عليهم مثل النحل عالشمع لا وما يوجبون أحد واذا صار عندهم مناسبة تأتيهم الناس من كل فج عميق, والهدايا تنكت عليهم كت!!!!!! والله شي يحير ؟؟؟؟؟
الحب: آآآآآآآآآآآآآآآآآآآآآآآآآآآآآآه و حتى لما ييت أحب يا بنات, و كل أنثى ودها تحب و تنحب,لاحظت ان في شخص حاط عينه علي, في البداية كان شعوري عادي بعدين استلطفته (من ابعيد لي بعيد بس لا كلمنا بعض ولا بينا شي, والا احد صارح الثاني) الحمدالله كل واحد ملتزم احدوده بس حظي ما طيحني الا على واحد مترهي حده وما تخرج الا عقبي , ومن وظيفة للثانية بعده ما استقر الظاهر وما أدري هالحضرة اشكثر يبيله يكون نفسه وكل ما انخطب أقول يا رب ما تصير على أمل اييني المحروس اللي فبالي :29: و مرت سنة و العين يعشقها السهر
ومرت سنة والقلب ذابحه الهجر
بذمتكم مو منحوسة؟؟؟؟؟؟ وين ينباع الحظ واشتريه؟ سامحوني عالاطالة وللأسف بس 3 مشاركات مسموحلي :(
وردة وسط صحرا @ord_ost_shra
عضوة جديدة
يلزم عليك تسجيل الدخول أولًا لكتابة تعليق.
الله يعينك ويسعدك ترا هم الغلط وانتي الصح وماعليك من احد امسكي كتاب الله وخليه صديقك افضل من هالناس كلها وراح يرجعولك والدنيا هالايام مصالح انك معك شي صادقوك ومن مامعك سحبوا عليك
ياقلبي انا وربي انك عسل باين من كلام وربي ...
الله يوفقك ويسعدك لا تقهرين نفسك الله يسر امرك...
الله يوفقك ويسعدك لا تقهرين نفسك الله يسر امرك...
ياقلبي انا وربي انك عسل باين من كلام وربي ... الله يوفقك ويسعدك لا تقهرين نفسك الله يسر امرك...ياقلبي انا وربي انك عسل باين من كلام وربي ... الله يوفقك ويسعدك لا تقهرين نفسك الله يسر امرك...
آآآآآه ه ه ه ه ه من الحظ صدق اللي قال لا قام حظك باعلك واشترى لك وان طاح حظك ما في امل يقوم
الصفحة الأخيرة
اقول وش رايك تجين تقهوين معي بس>>>>>>برااااا
على طاري الحظ وين يبيعونه؟؟؟ عندي راس مال صغير وش رايك نفتح به محل حظوظ ونبيع
ترى الزمن غدااار وكلنا نفس المعاناه