مراحب يابنات
بصراحه انا متضايقه من نفسي , بشئ غصب عندي مابيدي فيه حيله
وحبيت اطرح معاناتي هنا لان اكيد مابيحس فيني الا اللي مجرب
طبعآ اللي يعرفني انا عندي بنت كلها كم شهر وراح يصير عمرها 8 سنوات ( ربي يحفظها لي )
وطبعآ ماعندي غيرها , وعايشه مثلي مثلكم ,, انطط من دكتور لدكتور
بتقولون كل هذا عارفينه , وين المشكله ؟
مشكلتي ان الحرمان اللي حاسه فيه صار يأثر بعلاقتي في بنتي
صار عندي خوف اني افقدها او ماادري ايش الخوف اللي فيني
اخاف عليها من الهواء الطاير , مابغى شئ يجيها تخيلو تنجرح جرح بسيط اطير فيها للمستشفى
كذا مره يضحك علي الدكتور يقول جايه تنتفضين وحالتك حاله عشان جرح بسيط
واذا جتها حرارة وربي يابنات مااذوق النوم ايام ماغير اطالعها وابكي ,
واذا طلعنا للاستراحه ولا عزيمه ( تحسبوني مثل الحريم افلها واخلي بنتي تلعب ) لا
ماغير بس الاحقها وادورها اخاف تطيح اخاف يجيها شئ , الكل يقول ايش فيك مثل المهبوله
اجاوبهم في نفسي واقول : انا ماني مثلكم الوحده ماشاء الله عندها 5 او 6 اطفال ماتصدق انهم يبعدون عنها , انا ماعندي غيرها
حتى اطفالهم مايتجراون يلمسونها لانهم عارفين اللي بيطقها ايش بيصير له
موتي ولا اشوف دمعه من دموعها
طلاباتها مجابه مهما كانت , مستحيل اقول لها : لا
تخيلو اذا تناديني ماأرد عليها لين تعصب , تدرون ليش ؟؟
لاني كل ماسمعت كلمة ماما منها يفز قلبي ودموع تخنقني
( مو بيدي وربي غصب عني)
اذا رحت لاهلي , ابوي يمووت فيها على طول ياخذها ويروح للبقاله يشتري لها حلويات
تدرون ايش اسوي , ازعجه بالاتصالات لين يجيبها ,, حتى صار الحين اذا بغى يشتري لها شئ ياخذني معاها
يقول عشان ماتزعجيني باتصالاتك كأني باكلها .
حتى في النوم مااعرف أنام الا وهي في حضني , مااصدق ان زوجي ينام اذا حسيت انه خلاص راح في النومه
انسحبت ورحت نمت معاها ,, واحط الساعه على توقيت صحوه زوجي عشان ارجع للغرفه ومايحس فيني
لما اروح للسوق المصروف كله لها كل شهر , تخيلو اذا جيت اطلع وربي ماألقى شئ البسه , وبنتي احتار ايش البسها
زوجي كذا مره يهاوشني يقول مو معقوله مصروفك يروح عليها , ومصروفها يكفيها وزياده
بس يابنات اعجز امسك نفسي خصوصآ انها بنوتة اي لبسه اشوفها حلوه اشتريها لها واجلس اطقم لها جزمة واكسسوار شعر وحركات
وناسيه نفسي
ادري تصرفي 100% غلط , بس احس هذا كله بسبب احساسي اني ماراح اجيب غيرها
تعبت وربي تعبت ,, بس ماني قادره اغير نفسي
أحيانآ اقول يمكن مشكلتي ماتنحل الا اذا حملت وجبت طفل ثاني
بس قلت اطرح مشكلتي هنا
يمكن وحده فيكم عندها حل يخفف من معاناتي
(( يـوضع سـرهـ فـي اضـعـف خـلـقـه ))
زهـرة البـنـفـسـج @zhr_albnfsg_19
عضوة نشيطة
يلزم عليك تسجيل الدخول أولًا لكتابة تعليق.
ياعمري يازهرة
اذا خفتي على بنتك ودلعتيها بزياده
فالدنيا ماراح ترحمها
اكيد بتكبر
وتواجهه مشاكل
الدنيا
ماراح تبتل تحت جنحانك وانتي حاميتها
فكري فيها زين
والله يخليها لك ويرزقك اخوان لها يارب
اذا خفتي على بنتك ودلعتيها بزياده
فالدنيا ماراح ترحمها
اكيد بتكبر
وتواجهه مشاكل
الدنيا
ماراح تبتل تحت جنحانك وانتي حاميتها
فكري فيها زين
والله يخليها لك ويرزقك اخوان لها يارب
ودعيها اللي خلقها كل مااصبحتي وامسيتي وخلي ايمانك بالله هو اللي يحفظ واللي يرزق بدون حساب صدقيني مانحفظ مايحفظ الله
الله يخليها لك ويقر عيونك بتوام تفرحين فيهم انتي وبنوتتك وزوجك عسى ربي مايحرمك منهم
الله يخليها لك ويقر عيونك بتوام تفرحين فيهم انتي وبنوتتك وزوجك عسى ربي مايحرمك منهم
شكلك حساسة مررررررررررررره باين من اسلوبك وموضوعك عن امك الله يرحمها ما اقول الا راجعي نفسك لأان الدنيا فانيه وكلنا بنموت سواء جبنا طفل او طفلين او اكثر اهم شئ التربيه الحسنه واللي الله كاتبه بيصير ودامك حملتي قبل كده يعني ماعندك عقم احمدي ربك لا تخلي الشيطان يلعب عليك وحتي لو الله ماكتبلك تجيبي ثاني بعد الشر عالاقل جربتي الحمل والامومه اللي اكثرنا ماجربها والحمدلله صابرين ونحمد الله نصيحه لا تحاصري بنتك بهالشكل لازم تختلط بالناس وتعيش عمرها والله يرزقك توأم بنت وولد ويعوض صبرك خير اكثري الا ستغفار
الصفحة الأخيرة
حطي عندك افتراض انك بتجيبين اطفال غيرها وباذن الله بيكون بس انتي تتعاملين معها على انك ماراح تجيبين غيرها
واذا جبتي اطفال اكيد هالحرص بيخف وبتندمر نفسيتها لانها تعودت على شي مبالغ منك
وبعدين اللي عنده خمسة او ستة مو معناها انه عادي عنده ان احد فيهم يجيه شي لان عنده غيره !! كل واحد وغلاه
ولو جبتي اطفال ثانين بتحسين بنفس الاحساس
بس الغريبة وشلون خليتيها تروح المدرسة وكيف تتعامل مع الاطفال في الفصل وانتي معاملتهاكذا اكيد بتكون حساسة
واي شي بيزعلها !!!
اقري قران كثير وتعوذي من ابليس وتوكلي على الله والحافظ رب العالمين