سلام ع الحلوين خصوصا ام سعيف
عندي لك كم طريقة ان شاء الله تعجبك وتراها مرة لذيذة
اولا بودينق الفانيليا بالشوكولاته
الطبقة الاولى بسكوت مغمس في الحليب ومرصوص في الصينينة
الطبقة الثانية كاستين حليب بودرة + كاسة سكر + كاسة مويه + بيضة + رشة فانيليا + ملعقة نشا
اخلطيه في الخلاط بعدين حطيها ع النار وقلبيها لين تثقل وكبيها بشويش ع البسكوت
الطبقة الثالثة بسكوت مغمس في الحليب
الطبقة الرابعة 2 قشطة + 4 ملاعق شكوولاته نسكويك
ممكن تبدعي في الطبقة الاخيرة قشطة + جالاكسي او قشطة + كاكاو مر + سكر حسب الرغبة المهم تطلع طبقة شوكولاته
بس الطريقة الاولى هي الاصلية
وبس برديه وزينيه بشوكولاته مبشورة او بودرة او هيرشي
طعمه مرة لذيذ ويبان عليه انه مكلف وهو جدا بسيط

ثانيا
حلى الزبادي وله طرق كثيرة بس الطريقة هذي اسويها من زمان ومرة لذيييييييييذة وتنفع حلا قهوة انا اقطعها واصفها بورق بليسيه احيانا
المهم الطبقة الاولى بسكوت مطحون مع زبدة
الطبقة الثانية 2 زبادي + 5 فناجين سكر + 7 فناجين حليب بودرة
اخلطيهم في الخلاط وصبيهم ع البسكوت ودخلي الصينية الفرن بس لين يجمد شوية
ممكن نص الكمية اذا الصينية وسط انا عادة اسوي نص المقادير
الطبقة الثالثة
2 كريم كراميل + كاسنين حليب واغليهم على النار بعدين صبيهم بحذر على طبقة الزبادي وبرضو انا اسوي بس ظرف كريمة واحد
لسه عندي طرق بس بكمل بعدين

مراحب حبيباتي مشكورررررررررررررررررين على احلى مرور
جعلني مافقد طلتكم يارب وصدقوني هذا الموضوع كثير يستفيدون منه <<<<<<<<<الاخت مسويتله دعايه :D
وربي انتو الحلا والغلا جعلني مافقدكم يارب ياحلى بنات حواء

مشكوره اختي ام سعيف وانا عارفه انه مجرد لقب
واللع يا غاليه فكرتك جميله جدا وفعاله
انا كنت عايزه اقولها لكني انكسفت ان اطرحها في المنتدي
اشكرك علي فكرتك الجميله فعلا المصروف مش بيكفي الحلويات المكلفه
فعلا نفسي نعمل دائما اطعمه مش مكلفه
علشان لا نكون من المبذرين ان المبذرين كانو اخوان الشياطين
جزاكي الله خيييييييييييييييييييييييييييييييييييييييرا:27:

بنات كل الحلى بسكوت وقشطه ونستله ماعندكم مقادير غير يعني شغلات زي جيلي او فواكه مشكله او حتى انواع المهلبية والمحلبيه والرز بالحليب بالزعفران او الهيل انواع الآيسكريم المنزلي اللي بالحليب وبكمية معقوله اتوقع هذي الشغلات صحية وماتكلف ومقاديرها بسيطه بدل المنتجات اللي فيها مواد حافظه وزبده والوان صناعية والله انا قلبي على صحتكم يعني الواحد مو بس يشوف الرخص ومعاه لازم يحافظ على صحته لأن الجسم أمانه ودينا أمرنا بالمحافظه عليه ... وبس خلصت :32: ادري هذرت كثير سامحوني بسكت خلاص :D

للرفع