الكيك البسبوسه ماتكلف كثير

حلى سهل ورخيص >>>حلوه رخيص

بسكوت شاهي يرص في صينيه ..ويغمس في حليب سايل

نخلط بالخلاط 3 حبات كت كات مغلفين دريم ويب علبة قشطه وباقي الحليب اللي غمستي فيه القشطه

عشاان يخف الخليط ويصب على البسكويت وبالثلاجه ..
سهههل وسريع ..

الميزانيه :

3 كت كات = 3 ريال
علبة قشطه = 2 ريال
دريم ويب = 10 ريال
2 بسكويت شاهي =2 ريال

المجموع = 17 ريال

هههههاي وش رايكم

أنا جايبه لكم حلى حلو وسهل وغير مكلف وينفع للزنقات وطلباته متوفره بكل بيت

وهالحلى بصراحه مااعرف اسمه بس جربوه والله لذيذ

مقادير الحلى -:

1زبادي و فنجال شاي زيت وكاس حليب يودره و2فنجال قهوه سكر و2بيضه تخلط بالخلاط

وتوضع بصينيه وعلى الفرن ويكون مفتوح من اعلى واسفل لحد ماتتماسك

والخلطه الثانيه تطبخ على النار وهي 2ملعقه سكر و2ملعقه كاكاو بودره وكاس حليب سايل

وظرف كريمه عندما تغلظ تصب على الصينيه وتدخل الثلاجة تبرد تضاعف الكميه على حسب حجم الصينيه

هااااااااااه وش رأيك مو سهل وماياخذ وقت يللا جربوه واهم شي غير مكلف

السلام عليكم
هلا بك اختي
موضوعك حلو ومهم جدا وسبق اني طرحته
وهذا ملف حلوياتي المتواضعه
http://forum.hawaaworld.com/showthread.php?t=2661379

http://forum.hawaaworld.com/showthread.php?t=2751268

http://forum.hawaaworld.com/showthread.php?t=2695158

http://forum.hawaaworld.com/showthread.php?t=2651205

بشكل عام انا انصدم من مكونات بعض الحلويات والطبخات من جد يبي لها ميزانيه
ما نقول غير الله يزيدهم ويرزقنا من اوسع فضله
بالنسبه للوصفات اللي فيها جبن وقشطة خفق ومدري وشو الحمدلله زوجي ما يحبها لانه تحسسه بثقل
فاسوي بشاميل
(زبدة دقيق حليب بودرة مويه بيضه ملح مايونيز
جبن تشدر او موزريلا)

وهذي بسبوسه حلوة
للاخت اروبيه الهوى منتدى شمواه
وطلباتها معقوله بالنسبه لي واصرف لي النستله بدل ما اسوي شيرة واحتاس وارش عليها جوز هند=الكيس ب5 ريالات
وتطلع شي


2 كآسهـ سميد + 1 كآسهـ حليب بودر + 2 علبهـ زبآدي + ثلاث آربآع كآسهـ سكر
+ ثلآث آربآع كآسهـ زيت + م ك b.p + علبهـ حليب مركز كبيرهـ لونآ او اللي عندكـ


نبدآ بـ .. " .. الطريقهـ .. " ..
نخلط آول شئ الزبآدي + السكر + الزيت + م ك b.p
نضيف عليهآ كآسهـ الحليب البودر ونخلطهآ تمآم
نضيف كآسة السميد ونخلطهآ تمآم
وبعدها نضيف الكآسه الثآنيه للسميد ونخلطهآ وبكذا تكون جآهزه معآنا
نصب الخلطه بـ الصينيه استعدآد للفرن والخبز
الخلطه بالصينيه جآهزه وندخلهآ الفرن من تحت ..
لآحظو الجوآنب حمرت هذا دليل آنو من تحت خلآص استوت نشغل الشوآيه من فوق
نبدآ الآن نسقيهآ بالنستلهـ
وشوفو بعد 3 دقائق كيف البسبوسه تشربت النستله
وطبعآ تختفي تمامآ ملآمح النستله بس يبيلها وقت اشوي .. "
.. آنتي غطي الصينيه بمنشفه وخليها على جنب وكل مآطآلت المده كل مآصآرت تآخذ العقل .. " ..


حلا الصامولي للاخت ضوء
كيــــــــــك الصــــــــــــــــــامولي,,, خفيف ولذيذ

2 صامولي
2 بيض
كاس سكر
ملعقة كبيرة بايكنج باودر
نصف كاس حليب
ربع كوب زيت
فانيلا
1 ملعقة نسكافية
1 ملعقة كاكاو بودرة

التغطية:
علبة نستلة صغيرة
2 حبة جبن مثلث او كيري
ملعقة صغيرة كاكاو

تخلط بالخلاط حتى تمتزج جيدا
واذا حبيتي (ممكن يغطى بالتوفي)

الطريقة:

1- هنا يفتت الصامولي في الخلاط
2- ثم توضع عليه بقية المقادير
4- يصب في صينية بايركس مدهونة بالزيت
5- ثم يدخل في فرن مشغل مسبقا على درجة حرارة 160 درجة
6 - اذا نضج يحمر من الاعلى ويغطى بالتغطية


وهذي كيكة مرة حلوة ومضبوطة واسوي منها كب كيك
بس اصلحها بدون توفي
واحط بشر ليمون

للاسف معرف صاحبة الوصفه اتوقع من منتدى اقلاع

كيكه سهله
1 كوب طحين
1 قشطه
3 بيضات
ثلث كوب زيت
1 ملعقه كبيره باكينغ بودر..
ا كوب سكر..
فانيلا ..

ف البدايه نضع البيض+الزيت+السكر ف الخلاط..ونخلطهم..
بعدها نضيف القشطه..الطحين يكون منخول ومخلوط معاه الباكينغ بودر..
ونخلطهم الى ان يتمازجوا
..نضعها ف بايركس او صينيه مجوفه من الداخل..
وندخلها الفرن لمده نص ساعه بدون مانفتح عليها ..

نجي لطريقه التوفي:
2 سكانه اوبياله او كأس شاي سكر
علبه قشطه واحده..نضع السكر ف مقلاه ساخنه الى ان يذوب تماما ويصبح لونه ذهبي وسكري!
وبعدها نضيف القشطه ونخلط ونخلط صحيح بيتلكع ويتجمع بس نخلط نخلط الى ان يتمازجوا
وبكذا يصير عندنا خليط التوفي.. نصبه على الكيكه من بعد ماطلعناها من الصينيه ..

اذا تبين توفي
فهذي طريقة لام عزيزان الله يحفظها
توفي التوفير الرائع
1 كاس سكر يذوب على نار هاديه حتى يتحول لونه للذهبي
ثلث كاس ماء وعليهم 2 م مليانه حليب بودر ويذوب جيدا
ملعقة زبده
ورشة فانيلا

بعد ما يذوب السكر نضيف القليل من الحليب ونحرك ثم نضيف باقي الحليب ونحرك ونضيف الزبده
ونحرك فيه حتى يذوب السكر جيدا مع الحليب ثم نطفي النار عنه
واتمنى تنجح معاكم الطريقه وتوفر عليكم علبة قشطه


واذا سويت صلصه بيضا للسنابون
استبدل النستله
ب2فنجان سكر+3كيري(اجيب ميرا ارخص ونفس الطعم)+نص فنجان حليب
والهرشي اجيب ماركة فرشلي او اي نوع عليه تخفيض


القاعدة عندي
اي حلا يتطلب بيض كثير ولا قشطة
استخسر اسويه
احسن لي استفيد من هالاغراض للفطور!
وماحب الحلويات اللي تحتاج قلي حتى برمضان (كلسترول-تقلب ريحة البيت - وخسارة زيت على الفاضي)
الزبدة احاول استخدم بدالها زيت
صديقاتي نصحوني اجيب الزبدة بالكيلو بس ما حبيتها
القشطة استبدلها بالزبادي
افيد وارخص
حتى انه يخلي الكيكة هشه وخفيفه
الكريم كراميل والدريم ويب
اجيبه احتياط
ومو ضروري ماركه جرينز
يعني ممكن فوستر كلاركس
او رياض فودز
الكاكاو البودرة اشتري كرتون ارخص من العلب مثل العلالي
واخر مرة لقيت خولة ب9 ريال وعلبتها بلاستك
النستله اجيب بوني لان لونا مر شوي
وافضل شي اقضي برمضان لانه تكون على اغراض الحلا خصومات بس انتبه لتاريخ الصلاحية وحجم العلبة
ولفرق السعر حتى ولو نص ريال

مهو بخل لكن الضروف صعبه
وفي اولويات اهم
والدنيا صايرة نااااااااااااااااااار
حسبنا لله سوف يأتينا من فضله انا اليه لرغبون
ترى النت فاصل عندي بس
دخلت بالثابت علشان ارد عليك-خخخخخخ مطفففففففررررررررة وحالتي صعبه-

دعواتك حبيبتي الله يفك عنا ضيقتنا عاجلا غير اجل
ويسهل لي ولادتي واقوم انا والنونو بالسلامه

دعواتك حبيبتي الله يفك عنا ضيقتنا عاجلا غير اجل
ويسهل لي ولادتي واقوم انا والنونو بالسلامه