الحـــــــــــقو ني بنـــــات الإمارات تكــــفون لاتخلون عني ماعندي الا يومين

هلا فيك اختي في الامارات..
ردا على سؤالك ( الاسواق ما شاء الله حدث ولا حرج)
بالنسبه للجلابيات..
- الجلابيات الصيفيه بتحصلينها في سوق عكاظ.
- عندك في مركز حمر عين فيه محل اسرار للازياء المغربيه(روعه) وبعد فيه بعض محلات الجلابيات مثل اليشمك وغيره.
- محل العذراء في مركز مزايا اسعاره حلوه..
- نوف للازياء المغربيه في شارع الضيافه..

بالنسبه للعطورات في كل مكان..
- باريس غاليري..
- اريج..
-اجمل والرصاصي للعطور العربيه..
- سوق المجره في الشارقه( الاسعار عندهم رهيبه)
- كل سنتر ما يخلو من محلات العطور..

هذا اللي اتذكره...........

حياك الله في الإمارات إختي الزمن الغدار
ما شاء الله على الأخت روزووتر كفت ووفت
بس ممكن أعطيج معلومات زيادة:

دبي:
كل سنتر تدخلينه ما يخلى من محلات العطور>> فلا تشلين هم العطور
الجلابيات والأثواب المغربية: عندج دار الهودج شغلهم حلو كله تطريز تقريباً
عندج بعد محلات الوتد للجلابيات: تطريز بعد
بالإضافة إلى اليشمك الغني عن التعريف
عندج بعد سوق نايف (ما سرتله صراحة)
وسوق الغوير

في الشارقة:
عندج السوق القديم: أسعاره حلوة وفيه محلات قطع وشنط وأحذية وقمصان وتنانير وعبايا
عندج مركز سارة في نفس منطقة السوق الجديم: في الطابق الثاني محلات تبيع أكسسوارات فضية ومحل واحد بس يبيع أكسسوارات ملونة(هندية)<<بس وااااايد حلوة إذا تبين شي من اللي ينلبس هالأيام
شو بعد؟؟
عندج ميجا مول
وستي سنتر الشارقة
والتعاون سنتر
وصحارى سنتر
والسوق المركزي: الشي المميز فيه أن الطابق الثاني فيه مثل التحف والهدايا وزينة البيت
سوق الذهب أو مركز الذهب (نسيت اسمه): إذا تبين هدايا ذهب
عندج الأنصار مول<<أسعار الأحذية وايد رخيصة<<يقولولي لكن ما سرتله
أما سوق المجرة: بيتحول إلى متحف علشان جذا الأسعار نازلة فيه


عجمان:
عندج المصانع وفيها ملابس الماركات رخيصة: إلا أن الأسعار بدت ترتفع نتيجة زيادة الطلب والزحمة
فيها بعد محلات قمصان النوم والأحذية والشنط
أنا ما عرف وايد عنه بس البنات في المنتدى منزلين مواضيع عنه


أتمنى أكون أفدتج
وأتمنى لج وصول سالم إلىالإمارات مع قضاء أمتع الأوقات فيها

ممكن سؤال؟؟؟؟؟؟؟؟؟؟؟؟

اللي فهمته انه اليشمك في حمر عين لكن في اي طابق وبعد محل أسرار؟


سوق عكاظ في أي شارع؟

ماشاء الله البنات ما قصرواااااااااااا:26:

سوق عكاظ في مرشد انتي بس قولي حق اي احد في الشارع وين سوق عكاظ وهم بيدلونج