إلى نساء حواء بكل أحجامكم واعماركم وهواياتكم
موضوعي كثير نسمعه لكن نادر مايدخل مضبووط في العقل ويلف على العقل الباطن ونستوعبه ونطبقه في حياااتنا
طيب ليه!!
لأننا في عقلنا الباطن ما اقتنعنا قناعه كامله وأسلمنا >>يعني سلمنا
بأن مشاكلنا تكمن وتتشعبط في معدتنا المظلومه
نعم نعم اخواااتي>>>أبرشح نفسي للبلديه قسمن على اسلوووب
طيب زي العاده دائماً اقفلها معاكم مقدمه طويله وفيلسوفيه
أنا ابي ادخل مخكم وأطلع معلومات التلطيط والخلطات واحط بدلها هذي لأني متاكده خلال فترة زمنيه رااح تكتشفون
مشاكل الوزن ومشاكل البشره والهالات كلها بسبب عادات غذائيه غلللللللط
نبداء بحبيب الملايين قصدي الصينين
الشــــاي الأخضر
الشاي الأخضر قيل وقيل فيه لكن علشان تدخل المعلوماات زوووو
1- حارق لدهون لانه يعمل على زيادة الأيض بدوون مايعمل على زيادة خفقان القلب
يعني يحررق الدهووون ويحلحلها خليها عااده وتأكدي لسانك اول الأيام راح يحس بمرااره وقرف لانه ماتعود على الطعم لكن بعدين تحسين كانك تشربين مويه >>بدون سكر طبعاً
2- مفيد جداً للحبوب وللأكزيما ... ومشاكل البشره وطريقتين شربه أو
بقطنه ومسح على كامل الوجهه
3- غسول مثالي للأسنان وقاتل للبكتيرا ويخلي نفسك دائماً فريش
يعني غصصصب عنكم تــزطووونه وش يضررر
الأناناس والبابايا
البابايا + الأناناس يحتوون على انزيم يخلي البشرره صحيه واكثر نعوومه
وكمان فيه شيء له مسمى غريب زبدة الدراسات تقول انه يوجد ضرر من الهواء وغيرها من أشعات ومواد ضاره تتلف البشره وعناصر مؤكسد ضاره
المهم الطريقه سهله بالخلاط قطع من البابايا بقشورها + الأناناس
ويوضع قناع للبشره لوجود انزيم زي ماقلنا يزيد مناعة البشره من وفيه أنزيمات بعد تذوب الجلد الميت وخليه ربع ساعه على وجهك الكريم
وبعدها ازيليه بحركه دائريه خفيفه
وعصير الأناناس بس تشربينه بشكل معتدل ينقي ويصفي بشرتك ويدفع الجلد الميت للخارج
ويشيل تصبغات الجلد إلي بالجسم
وفيه شي ثاني بعد فيه طريقة صيام كانت عندي بكتاب على عصير الأناناس والجرز قريب راح احاول انزلها
هذا العصير ينصام عليه و تنقي الكبد وتطرح السموم وخلال الفتره إلي يشرب هذا العصير يزيد الكلف في وجهك وجسمك
وبعدها يختفي للأبد او لفتره طويله >>بدون مبالغه
الجزر عصير
ملياااان فيتامينات والمعادن الكالسيوم ، والنحاس ، المغنيسيوم ، البوتاسيوم ، والفوسفور ، والحديد ، وحمض الفوليك.
ويقولون انك إذا شربتي 3 اكواب عصير خلال اربعه وعشرين ساعه على مدى طويل ينقلب لونك برتقااالي خخخخخخخخخخخخخخ تراا صدق
يمنع جفاف البشره وجفاف العين ويزيد قدرتك على قززز الألوان يخلي عينك تفرق الألوان بشكل اكثر دقه>>>ولا فوتوشوب
أمم وش بعد مفيد لشعر وللأظافر والبشره يعني كأس باليوم ضروري
التفاح الأخضر
An Apple a Day Keeps the Doctor Away
مايحتااج نمدح التفاح الأخر في كل قيق ورقعه>>>صح المقوله
يعني
اولا يشيل إنتفاخ البطن لو استمريتي عليه قبل النوم بساعه او ثلاث ساعات
يأخر شيخوخة البشره والجسم
وملياااااااان فيتماينااات
عصير أو تفاحه عدله تاكلينها كلهم منيحين
وكثير من العصيرات إلي تزيد جمالك وصحتك وإشراقة بشرتك بس إنتي
الطماااطم = الطماط = البندوره = القوطه =Tomato
الطماط مفيد جداً لحروق الشمس
وإذا اضفتي الطماط المهروس + زبادي يعتبر قابض للمسام ويقلل من حجمها
يترك على البشره ربع ساعه وبعدها اشطفيه بماء فاااااتر
وبعد هو مناسب للبشره الدهنيه وإلي فيها بثور وحبوب
لانه مطهر وفيه البوتاسيوم يطرهر
ويقولون لك العسل + الطماط مثالي للحبوب والبشره الدهنيه
وملاحظه
هذي المعلومات ماهي نسخ لصق او ترجمه من موقع واحد لا انا اعمل بحث بشكل واسع وعلى مواقع كثيره
ومعلوماتي ماهي من راسي
وان شاء الله اكمل موضوعي بجزء ثاني وثالث لتعم الفائده