الحفوني يا اخواتي بنت اختي بضيع مننا

السلام عليكم ورحمة **** وبركاتة
اخواتي الي عندها خبرة في هدا الامور تساعدني ولا تبخل علي بنت اختي في المرحلة الثانوية ثانية ثانوي كانت في سنة اولى ثانوي في مدرسة مش كويسة وكانت مع شلة بنات علموها طولت اللسان وانها ترد على المعلمات وعلموها عدم الخوف وصار كل شي عندها عادي مافي احتررا للمعلمة وكانت بعض البنات عندهم سوالف غريبة يهددو المعلمة وشي بنت ترقص في الفصل وتصرفات جدا همجية الله يهديهم والبنت اتاثرت جدا وشفنا ان حتى احنا في البيت ما عاد تحترمنا وصارت عصبية انا عارفة ان هذه فترة مراهقة وتغيرات بس امها من بداية هذه السنة نقلته لمدرسة ثانية ومن يوم ما راحت المدرسة الجديدة وهي نفسيتها تعبانة وتندقدالادارة وفي ادارية الله يسامحها من يوم ما شافتها وهي حاطتها تحت المجهر ليش كدا لبستي وجزمتك وانتم بكرامة مخالفة والشنطة ما ادري ايش وتقول ان في بنات لابسين ولا تكلمهم المهم قلنالها طنشي في الاول انتظمي واعمل كل الي تبغاة وبعدين اذا شافتكي نظامية راح تتركك المهم تسمع مرة وتنتقد مرة
والله يهديها تعبتنا هدا البنت رجعت لفت على شلت بنات من المر مو كويسة ودايما امها تحذرها منهم لاكن هي اصبحت تعاند كثيرا ومشيت ومعاهم مالكم بالطويلة وامس تحدث الطامة الكبرى المديرة تتصل وتطلب حضور الام والله يا اني خايفة يسير لاختي شي ووراحت اختي الثلاثاء المدرسة وانفجعت من الخبر قالو لها ان بنتها كانت تبوس صاحبتها وتحضنها في الفصل واختي طاحت من طولها احنا عائلة جدا محافظة ونخاف من كل شي وابدا ما نحب العنف وقلة الادب مسكينة والله ما عرفت تتصرف وجبو لها شهود من البناتالي شافوها وقالوان هدا الشي اتكررفي الساحة صراحة من يوم عرفت الخبر ما جاني النوم وامها والله يا اخواتي حالتها حالة والمشكلة المديرة قالت مافي الا حلين يا تحول الموضوع الرئاسة يا تنقلها من المدرسة ومنعتها من دخول المدرسة اقصد بنتها وما خلتها تداوم :icon33:واعطت اختي ورقة نقل من المدرسةذهبت اختي لمدرسة اخخرى رفضت ان تقبلها دحين يا اخواتي اش الحل الامثل مع هده البنت والام خايفة على سمعت بنتها ومهي عارفة كيف تتصرف فانقذوني ولو بدعوة يصلح حال بناتننا وبنات المسلمين امييين:icon33: