الحقــــــــــــــــــــــــــ ـــــــــــــــــــــوني

بنات في عمري ماطلبت منكم مساعده خصوصا في هذي المناسبه
بخبركم السالفه
في عمرها مااستوت عدنا او اهلي من النوع اللي يأيدون انه البنت تهدي زوجها هديه في ايام الخطوبه طبعا مثل ماانتوا عارفين انه منقود عدنا
هو مش عيب ولا حرام،بس في مثل حالتي هو مب لازم بس حابه اغير هذا الروتين اللي كل حد يسير عليه
حلو انج تكونين مميزه في كل شي والحمد لله انا مابسوي هذا الشي بدون علم اهلي بالعكس بخلي حد من اخواني يعطيه الهديه لانه تخرج من دراسته جريب بتقولولي اتريي لين الملجه صح انا وياكم بس الملجه بعدها وايد وان شالله عقب مانملج حابه اهديه شي بسيط
الله يخليكم فزعتكم ماعندي غير يوم واحد لانه بيسافر عقب يومين تقريبا:(
وحابه اهديه شي بسيط مايكون متكلف ومب مشكله يكون عندي شي غالي وبسيط في نفس الوقت
فشو تقترحون علي خصوصا اللي مالجات او متزوجات حاسه انه بيستانس ان شالله وراح اتفق ويا اخته على هذا الشي ان شالله
انا لين الحين مب قادره ارقد لاني افكر شو بخذله لين باجر وماعندي غير هذا اليوم
والله متلومه فيه لانه كل مره يطرشلي هدايا بين فتره والثانيه بتقوليلي اصبري اوكي لو مااعرفه بقولكم بصبر لانه انسان اجهله بس الحمد لله عارفتنه زين لانه يقربلي.
فالله يخليكم اقترحوا علي هديه بما اني غبيه في هذي السوالف
لين الحين خطر على بالي عطر ودهن عود
واذا وحده منكم اقترحت عطر تقولي شو احلى عطر بس يكون يديد وحلو ورجالي
وخل عاد مااشوف ردود صدق بزعل منكم
ومشكورين