الحقن الصناعي تجاربكم

نفس الطبيعي بس لازم يكون المشكله من الرجال
بس يغسلون السائل ويحقنونه جوه
بس عاد اذا بيعطونك منشطات او لا مدري

الحقن الصناعي من اسهل مايكون
يعطيك منشط اذا تحتاجين ويتابع التبويض واذا وصلت البويضه للحجم المطلوب يعطيك تفجيريه بعدها يعطيك موعد للعمليه وهي يحقنون السائل بقسطره الى الرحم بعد مايعالجون العينه في المختبر ويخلونك مستلقيه عندهم في العياده يمكن ربع ساعه او على حسب راي الطبيب بعدها يكتب لك على مثبت سواء دوفاستون او تحاميل تثبيت وتنتظري اسبوعين وبعدها التحليل
الله يرزقك ويرزقنا الحمل الطبيعي من غير حول منا ولاقوه

الله يجزاكم خير الي ردو
انا ابغى نسبة الحمل كم تكون

هلا حبيبتي
انا جربت الصناعي مرتين و فشلت وبجرب المجهري الحمدلله على كل حال الله ييسرها من عنده
ان شاء الله تكون تجربتك ناجحه مع الصناعي لان في ناس نجحت معهم
الطريقة من ثاني او ثالث الدورة تاخذين منشط وترجعين لدكتور بعد كم يوم هو يحدد المده بعدين يشوف حجم البويضه اذا مناسب يعطيك ابرة تفجير و بعدها تقريبا بيوم ونص ترجعين لدكتور ويجي معك زوجك يسلمهم عينة السائل وبعدها يحقنونه داخل الرحم بدون بنج لانه كأنه زي الكشف الداخلي لكن انا شخصيا بعد العمليه اخذ مسكن لان يصاحبه الم لكن محتمل مع مسكن وممكن ماتحتاجين كل جسم يختلف وبعدها بأسبوعين تسوين تحليل الحمل الهرموني ( الرقمي ) ..
وعسى يارب يرزقك الحمل الطبيعي التام والذرية المعافاه